Hér sé gleði, hér sé glaumur

Skitin aftanákeyrsla

2007-10-17T09:47:00.000Z

Takk fyrir að vera ekki búin að gefast upp á mér!!!

Ég þykist vita að ég skulda ykkur (sérstaklega) slatta af myndum, m.a. úr hinni mögnuðu Palestínuferð. Þetta kemur vonandi allt með kalda vatninu.

Annars er ég bara að vinna... og að eiga heima í Keflavík. Ég get svo sem ekkert sagt um hvernig það er að búa í Keflavík þar sem ég er aldrei þar nema rétt yfir nóttina. Hef þó einnig verið þar nokkur stormasöm kvöld fyrir framan sjónvarpið. Það er pínu gaman að eiga sjónvarp eftir eins árs sjónvarps-svelt. En án þess að leggja dóm á það hvernig það er að búa í Keflavík þá get ég alveg komið hreint fram með það að það er GLATAÐ að þurfa að ferðast á milli Keflavíkur og Reykjvíkur alla daga. Í morgun var ég í næstum 2 klst á leiðinni í vinnuna. Tók mig yfir klukkustund að komast frá Hafnarfirðinum og á Aragötuna góðu. Allt út af skitinni aftanákeyrslu. Mér líður eins og vinnudagurinn sé tveimur tímum lengur en hann er (enda tekur það mig 4 mínútur að komast í vinnuna af Grandaveginum mínum) vegna þess hve lengi ég er að koma mér til og frá vinnu. Dagurinn í dag verður að öllu óbreyttu 3 tímum lengri. Jæja... allir að vorkenna mér æðislega mikið!

En auðvitað er það algjör lúxus að fá að vera í einbýlishúsi með öllu tilheyrandi, ég á auðvitað að skammast mín fyrir að vera að þessu væli.

Annars ætla ég að fara að taka skurk í þessum myndum mínum. Held samt að það sé búið að læsa myndaalbúminu mínu. Er eitthvað annað gott sem þið þekkið??

P.S. Ætlaði að blogga um ástandið í borginni..... hætti við á síðustu stundu...

P.P.S. Af hverju kemur ekki línubil hér þegar ég set línubil inn á blogger?

Heiður símamær

2007-10-02T12:11:00.000Z

Komin heim frá Palestínu.... vægast sagt frábært ferð!

Komin til Íslands .... hér er rok!

Flutt til Keflavíkur....tímabundið.... þar er ekki bara rok heldur líka rigning!

Fór í helgarferð til Sauðárkróks .... það var algjör snilld og tvímælalaust endurtekið að ári!

Stefni á sumarbústað í Hvalfirðinum um helgina.

Annars ætlaði ég bara að láta símanúmerið mitt hingað inn fyrir þá duglegustu sem ekki hafa misst alla trú á mér og líta ennþá hér við. Einhver aumingjans stúlka er komin með gamla símanúmerið mitt og er víst komin með nóg af fólki sem spyr um þessa Heiði. Nýja númerið mitt er:

896-7361

Er líka með Keflvíkst heimanúmer:

421-1281

Palestina eftir 2 daga

2007-09-10T14:18:00.000Z

Komin heim fra Kroatiu.... thad sem atti ad vera "vikubrunka" er "einsdagsbrunka" en thad var svaka gaman i ferdinni, skemmtilegast ad hitta fjolskylduna. Solveigu sys og co hafdi eg ekki sed i 8 manudi!

A morgun verdur buslodin okkar sott svo nu er bara malid ad troda ollu ofan i kassa og svo faer Joi ad drekka ur pappaglasi fram a laugardag. Eg aftur a moti fer til Palestinu a midvikudaginn og hef sko aldeilis ekki hugsad mer ad drekka ur pappaglasi a medan eg verd thar. Ferdasoguna set eg inn asamt myndum thegar eg verd komin til Islands en thangad fer eg 21. sept.

Takk fyrir afmaeliskvedjurnar, alltaf jafngaman ad eiga 19 ara afmaeli!

oggu pinku updeit

2007-09-04T16:01:00.000Z

Komin til Kroatiu.... thad er rigning... mer er kalt...og eg gleymdi simanum minum heima...!

Her er samt fullt af godu folki sem reddar malunum algjorlega!!

Their sem vilja na i mig til a lata mig vita af lottovinningi eda odru alika mikilvaegu (kemur fimmtudeginum EKKERT vid... muahaha)geta nad i mig i Joa numer sem er alveg eins og mitt nema sidustu 4 stafirnir eru 2021 i stadinn fyrir 1912.

Takk oll fyrir kommentin og hamingjuoskirnar, thid erud best! Steina.... thetta plan hljomar eins og i aevintyri, eg get ekki bedid!

jaeja, spurning um ad fara ad tekka a eyju Titos.. NOT!

...

2007-08-30T12:24:00.000Z

Bara ad lata vita ad eg er a lifi. Er tolvulaus thar sem Simmi tok tolvuna okkar til Islands og hin sem vid vorum med hrundi sama kvold og hann for. Annars var hrikalega gaman ad fa Simma i heimsokn. Hann kom svona svadalega a ovart med thvi ad taka leynigest med ser fra Islandi. A fimmtudaginn stod allt i einu ein Eydis a troppunum hja okkur. Theim tokst algjorlega a koma mer a ovart sem gerdi thetta enntha skemmtilegra. Helgin var svo alveg brilliant, tokum lifinu med ro, drukkum bjor i gardinum, bordudum svivirdilega godan mat, leigdum hjolabat i Hyde Park og drukkum ohoflega af Pimms uppi a thaki a svaka flottum stad i Camden. Algjor snilld fra upphafi til enda.

A laugardaginn ( thad er sko ekki a morgun heldur hinn) forum vid svo til Trieste og thadan til Kroatiu a sunnudaginn. Eg send thvi bara kvedju a Klakann til ykkar sem vaentanlega erud buin i sumarfrii... mitt er ad byrja!
Skal i kokteilnum!

Búið og gert, klappað og klárt

2007-08-20T19:42:00.001Z

Sjáiði hana!?!?!?!

Auður: töfrasprotinn er kominn í hús!
Þið hin: Ég finn mig knúna til að láta ykkur vita að þrátt fyrir nafnið þá er ekkert kynferðislegt við töfrasprottann!

Hvað á að vera í kvöldmat?

2007-08-18T18:50:00.000Z

Ef þið ætlið að fá ykkur strútskjöt að borða, veriði þá viss um að eiga rabbarbarasultu í ísskápnum!

Að spara eða ekki að spara

2007-08-15T19:51:00.001Z

Af bráðri nauðsyn fór ég inn í fatabúð áðan. Þar fann ég mér tvenn pör af skóm og eina flík til viðbótar á 30 pund. Þótti mér þetta reifarakaup og skundaði ánægð að afgreiðsluborðinu þar sem ég var ekki rukkuð um 30 pund heldur 19!!!! Aldrei tek ég eftir þessum útsöluskiltum og held samt að ég sé að fá allt á svaka góðum díl. Ég fór því út, svaka ánægð með að hafa "sparað" allan þennan pening. Á leiðinni heim keypti ég því rauðvínsflösku sem var svo dýr að það var þjófavörn á flöskunni!

Eftir 5 daga hlýt ég að vera fullorðin!

2007-08-15T14:26:00.000Z

Ööössss, 5 dagar eftir af mastersnáminu, jaaah svei mér þá. Nú glími ég við vandamál sem kemur undantekningalaust upp þegar ég skrifa ritgerð. Hún er alltof löng. Ég er búin að henda út fullt af texta (það var soldið sárt) en ritgerðin er enn of löng. Hún er orðin lengri en hún má vera þegar hún er fullkláruð en samt er ennþá ýmislegt sem ég á eftir að skrifa um. *Andvarp*. Það eru sko takmörk fyrir því sem hægt er henda í viðauka (og þar með telja ekki með í orðafjöldann) en svei mér þá ef ég verð ekki bara að henda ennþá meira af mikilvægum upplýsingum þangað inn.

Annars er ég búin að standa mig vel í að horfa á Six feet under og Sopranos, svona svo ég geti sagst vera dugleg við eitthvað. Annars er alveg merkilegt hvað ég afkasta mismiklu á dag. Sunnudagurinn síðasti var sá afkastamesti í langan tíma hvað ritgerðarskrif varðar. Þann dag hljóp ég samt líka 5.5 km, þvoði glás af þvotti og horfði á FJÓRA þætti af Six feet under. Aðra daga finnst mér ég sitja við tölvuna svo klukkutímum skiptir án þess að koma nokkru í verk. Ég hef hugsað mér að hafa næstu 5 daga eins og sunnudaginn síðasta.
Að lokum vil ég svo gefa sjálfri mér viðurkenningu fyrir leiðinlegustu bloggfærslu mánaðarins! TAKK FYRIR

Í fréttum er þetta helst....

2007-08-11T08:50:00.000Z

Vitiði... það er bara ekkert eins glatað að vera á lokasprettinum í ritgerðarskrifum eins og ég hélt. Grunar samt að það geti að hluta til verið sökum minnar eigin veruleikafirringar þar sem ég er í raun ekki búin að átta mig á hvað ég á lítinn tíma eftir til að skrifa mikið. Ég er allavega LANGT frá því að missa svefn af stressi. Próftíðin var langt um verri.
Annars erum við búin að vera með hundskottið á neðri hæðinni síðustu tvo daga. Það merkir líka að ég hef ekki skrifað neitt í tvo daga. Það er svaka gott veður hérna og svona orkumiklir hvolpar þurfa mikla hreyfingu. Þegar ég var ekki að taka þátt af fullum krafti í hlaupaátaki Heiðar 2007 þá vorum við með hundinn í göngutúr. Við erum að tala um tvo stutta og einn langan á dag! Báða dagana fórum við í 2.5 klst göngu fyrir kvöldmat. Þegar hundurinn er ekki úti að hreyfa sig þá er hann inni að hvíla sig. Það vill bara svo óheppilega til að ég var líka alveg búin eftir alla þessa hreyfingu og þurfti sjálf að hvíla mig. Hér að neðan er mynd af blessuninni áður en hún fékk langa göngutúrinn sinn.... við skildum hana eftir í garðinum í 2 mínútur:

Frétt vikunnar er að sjálfsögðu sú að Jói er kominn með vinnu hjá Íslenskri erfðagreiningu og er að sjálfsögðu mikil hamingja á heimilinu með það. Það verður svaka þægilegt að vera að vinna nánast í sömu götunni, smellpassar alveg hreint. Það verður reyndar svolítið langt fyrir okkur að fara fyrstu tvo, þrjá mánuðina þar sem við komum til með að búa í Keflavík fram til desember. Ég get nú ekki sagt að ég sé að farast úr spenningi yfir að þurfa að keyra á milli Keflavíkur og Reykjavíkur á hverjum degi en þetta verður annars ágætis tilbreyting og það verður bara gaman að fá að kynnast Keflavík betur. Hmmmm, ætli það sé ekki fín sundlaug þar?

Þegar Jói kom heim frá Íslandi um daginn sagði hann mér að hann hefði gleymt vaxinu, sem hann notar alltaf í hárið, á Íslandi. Bætti svo við að það væri ódýrara að raka allt hárið af heldur e að kaupa nýtt vax. Ég hlýddi auðvitað (eins og mér er von og vísa), sótti rakvélina og sparaði okkur nokkra aura. Hér að neðan má sjá afraksturinn... vélin varð sko batteríslaus:

Fjórum dögum seinna datt mér í hug að setja rakvélina í hleðslu og klára verkið. Hér má sjá þann myndarlega:

Í gær fékk ég svakalega skemmtilegt bréf frá henni yndislegu Ásdísi Magdalenu systurdóttur minni. Hún hafði margar fréttir að færa mér, þær langmikilvægustu auðvitað að hún væri fjögurra og hálfs, alveg að verða fimm og að hún væri búin að fá nýjan náttkjól. Bréfið endaði hún svo á þessari frábæru setningu: "Ég hlakka svo til þegar ég sé þig í Króatíu. Þá ætla ég að knúsa þig og kaupa mér hamstur" Undir skrifaði hún svo sjálf: "Bless klukkan kornflex". Með bréfinu fékk svo að fljóta falleg mynd af henni sjálfri 4 og hálfs og Heiði Hrund vinkonu sinni og frænku 5 og hálfs.

En jæja... ég get svarið fyrir að mér finnst ég eigi að vera að gera eitthvað annað en að blogga... samt alveg stolið úr mér.

Leiðrétting

2007-08-08T08:12:00.000Z

Ég er að fara til Palestínu en ekki Ísrael.... Held samt að ég segist ekkert vera að fara til Palestínu þegar ég verð spurð á flugvellinum, hehe.

Var að rekast á gamlar SNILLDAR myndir sem ég man ekki hvort ég hafi sett hér inn. Annars eiga þær alltaf rétt á sér. Á myndunum má sjá að við drekkum alltaf áfengi BARA af því það er svo gott á bragðið, ehemm:

Svo eru hér líka tvær flottar af tveimur flottum:

Get ekki beðið eftir september... þá á ég líka afmæli

2007-08-02T11:59:00.000Z

Flugmiði til Tel Aviv??
Check!

Búið og gert, klappað og klárt. Brottför þann 12. september, tveimur dögum eftir að við komum heim frá Króatíu. Við þurfum sko að pakka búslóðinni til að flytja til Íslands eftir að við komum heim frá Króatíu. Mér finnst svo sjúklega leiðinlegt að pakka niður að ég ákvað að skreppa til Ísrael á meðan Jói sér um að pakka. Hann er hvort eð er svo góður í því. Annars er gaman að segja frá því að í eina og sama mánuðinum heimsæki ég bæði löndin sem Jói bjó í sem barn og unglingur, skemmtileg tilviljun. Mér finnst hrikalega spennandi að vera að fara til Ísrael en ekki þykir mér síður spennandi að vera að fara að hitta Steinu mínu og fá að eyða með henni nokkrum dögum.

Spurning hvort mér sé treystandi til að ferðast ein. Hef komist að því að ég er ekkert rosalega góð í því að vera ein. Þegar Jói fór til Íslands um daginn vildi hann skilja lyklana sína eftir hjá nágrönnunum af því hann var svo viss um að ég myndi læsa mig úti. Það hnussaði nú bara í mér þegar ég tilkynnti honum að ég gæti nú alveg séð um mig sjálf og svo væri heldur ekki hægt að læsa lyklana inni þar sem ekki er hægt að loka útihurðinni nema með lyklinum. Það er skemmst frá því að segja að ég var búin að týna lyklunum (úti í almenningsgarði) áður en Jói var lentur á Íslandi. Daginn eftir gerðist ég handlagin húsmóðir og setti nýja peru í ljóskastarann í eldhúsinu. Það gekk ekki betur en svo að kastarinn bráðnaði og reyk og plastlykt lagði um alla íbúðina. Jói var ekkert svaka ánægður með mig þegar hann sagði að ég mætti velja hvort ég hringdi á rafvirkja eða slökkviliðið. Núna eldar hann í myrkri í eldhúsinu...

Annars er ég bara að skrifa ritgerð....svona þið sem ekki vissuð.

Jói, Baldur og Valdi árið nítjánhundruð og eitthvað

2007-08-01T08:46:00.001Z

Allan daginn eg er a, Olafsvoku a

2007-07-28T15:58:00.001Z

Ég vinn alltaf inni í eldhúsi þar sem ég get ekki verið nettengd. Ég hef nebblega engan sjálfsaga og hangi bara yfir einhverju bulli þegar ég er nettengd. Nú er bara komið að því að ég er komin með algjört ógeð á tónlistinni sem er á ipodinum og ákvað að berja í mig sjálfsagann, færa mig upp í stofu og hlusta á Rás 2 á netinu. Það er víst Ólafsvaka í Færeyjum núna og í tilefni þess er ÖLL tónlistin á Rás 2 færeysk. Pínu svekkelsi fyrst. En núna.... núna er ég að fíla'ða!

Hér er svo annað myndband handa ykkur. Þetta eru fangar á Filippseyjum. Horfið á þetta og ímyndið ykkur svo svipaða stemmningu á Hrauninu. Ooooh... mig langar svo á dansnámskeið.

Grátið af hlátri

2007-07-28T09:25:00.001Z

Það eru fullt af hlutum sem mér finnst fyndnir en það er ekkert alltaf sem ég sit alein og skellihlæ. Fékk þetta sent frá þremur sveittum strákum í Keflavík:

Mætið, skemmtið ykkur og styrkið!

2007-07-27T13:01:00.001Z

Æ... þið verðið víst að smella á myndina til að sjá almennilega hvaða tónlistarfólk stígur þarna á stokk.

Til hamingju Pabbi!

2007-07-22T12:27:00.001Z

Pabbi ávallt ungur er,
allavega í anda.
Latari hann þó bráðum fer
við að koma sér í vanda.

Fæddur fyrir sextíu árum,
gestir standa í röðum.
Furðar sig á þessum hárum,
sem ekk' eru á réttum stöðum.

Aðstæður kann að nýta sér,
það er ekki flókið.
Á meðan mamma yngri er,
hún hellir romm' í kókið.

Hvílíkur leirburður... það er hugurinn sem skiptir máli pabbi minn. Til hamingju!

Fjórar vikur?

2007-07-19T18:10:00.000Z

Jidúdda mía, alltaf er ég að skipta um vinkil á þessari blessuðu ritgerð.

Er hægt að skrifa mastersritgerð frá grunni á fjórum vikum?

Býst sko við svari.....!

Um helgina...

2007-07-16T13:26:00.000Z

...var ég með lítinn hvolp í pössun
...átti ég tvær íbúðir og garð
...grillaði ég í garðinum sem ég átti
...sá ég rottu í fyrsta skipti
...rottan var ekki í garðinum sem ég átti
...fór ég í 10 langa göngutúra til að viðra hvolpinn og sjálfa mig
...talaði ég við FULLT af fólki af því að allir vilja tala við stelpu sem á svona sætan hvolp
...nefndi ég fjögur mismunandi aldursbil þegar ég var spurð hve gamall hvolpurinn væri. Hef sko ekki hugmynd.
...lærði ég minna en ég átti að gera
...átti ég sjónvarp
...komst ég að því að það er svakalega mikið rusl í sjónvarpinu
...datt sjónvarpið og símasamband út sökum þrumuveðurs
...var loftið svo rakt að ég varð ekki þyrst, ég drakk bara loftið
...keypti ég slúðurblað, poka af eplum, mjólk og bók fyrir 5 pund (NB ódýrara en bara slúðurblaðið á Íslandi)
...var mér sagt að ég ætti ekki að vera í skóla núna, ég myndi njóta þess betur þegar ég væri orðin 44 ára og að fara út og tala við fólk væri alveg jafn gott og að læra félagsvísindi.

Að sjálfsögðu var rottan hápunkturinn!

Farin að finna Finnann

2007-07-11T11:35:00.000Z

Ég er að fara á fund með leiðbeinandanum mínum á eftir. Þetta er fyrsti fundur sem á með Finnanum ágæta síðan ég byrjaði lokaverkefnisvinnuna (enda ekki nema 3 dagar síðan sú vinna hófst). Ég er með tillögu að þræl-flottu módeli sem ég ætla að bera undir hann og satt að segja er ég logandi hrædd um að hann dæmi hugmyndina dauða. Mikið vona ég að hann taki vel í þetta og að ég gangi full öryggiskenndar út frá honum, tilbúin að taka þetta í aðra nösina. Það eru ágætis líkur á að hugmyndin mín sé of flókin fyrir 6 vikna vinnu og ekki stærri ritgerð en þetta en við sjáum til. Ég segi ykkur frá módelinu sem ég hef sett saman EF Finninn dæmir það ekki vonlaust. Krossa fingur. Hluti af óöryggi mínu felst í því að verkefnið sem ég stefni á að takast á við krefst þess eiginlega að ég sé hagfræðingur. Óheppilegt að ég sé ekki slíkur.

Ef ég held áfram með þessa tillögu þá er svakalega mikil heimildavinna eftir og tímafrek og flókin tölfræðivinna einnig þar sem ég verð að vinna með allt að 60 breytur (spurningar) sem er assgoti mikið. En með því get ég vonandi sýnt mig og sannað í tölfræðinni.

Jói fer til Íslands í viku þann 24. júlí og vil ég því nota tækifærið og auglýsa eftir einhverjum til að hugsa um mig á meðan. Starfið felst fyrst og fremst í því að elda mat og sjá til þess að ég borði reglulega eitthvað annað en súkkulaði. Versla inn og sækja vatnsglas fyrir mig þegar ég er þyrst. Þýða ensk orð sem ég ekki skil og spila yatzy í pásum. Á sama tíma auglýsi ég eftir einhverjum til að bjóða Jóa í grillmat, hann er alveg að verða vitlaus af grillskorti.

Er skollin á styrjöld?

2007-07-09T16:06:00.000Z

Hér leikur allt á reiðiskjálfi. Húsið hristist og nötrar (og ekki er það nú sómasamleg byggt ofan á allt saman) og hefur gert í eina og hálfa klukkustund. Hér er hið besta veður, sólskin og bjart og þetta líka rosalega þrumuveður. Það slettust reyndar niður nokkrir regndropar hérna áðan en það er ekkert til að tala um. Við erum búin að fylgjast með himninum lýsast upp nokkrum sinnum á mínútu og hverri eldingu fylgir svo, eins og lög gera ráð fyrir, þruma. Af biðtímanum að dæma hafa margar þeirra verið mjög nálægt og fer það heldur ekkert fram hjá okkur af hávaðanum að dæma. Aldrei hef ég heyrt svona hátt í þrumum og aldrei í svona langan tíma. Og á meðan brosir sólin niður til okkar.

Mér fannst þetta svaka skemmtilegt og var eins og spenntur smákrakki úti í glugga. Nú er þetta ekkert spennandi lengur (samt nógu spennandi til að blogga um það greinilega).

Annars lítið að frétta, lokaverkefnavinna hafin með tilheyrandi gleði og eftirvæntingu. Planið er að eiga ekki líf fyrr en á hádegi 21. ágúst. Mér líst bara vel á það.

Komin.... og farin....

2007-07-08T12:18:00.000Z

Hægt er að skoða myndirnar stærri ef smellt er á þær.

Beint af flugvellinum í bjórinn og borgarann á The Punch and Judie Pub

Addi og Fjóla komu færandi hendi.... slúrp

Að ekki sé minnst á málverkið eftir Gullý (mömmu Adda). TAKK GULLÝ!!!

Í Camden Town var verslað, Adda til mikillar ánægju

Besti kínamatur í heimi. Var að reyna að ná rigningunni á mynd, tekst aldrei. En það rigndi alveg ROSALEGA!

Við fórum aðeins á pöbbinn.... bara aðeins stundum smá

Jó, jó sígalafó in da park

Fínt og fallegt, skrítið tré sem hægt var að fara "inní". Í Hyde Park sko.

Fallegra pils er vandfundið!

Þessar elskur.... Jói tollir varla á mynd þó myndarlegur sé!

Jamie Oliver hitti vaxmynd af Heiði vinkonu sinni, mér sýnist hann alveg sáttur við það.

Hitchcock er nú meiri dóninn!

Darwin hér!?!?!? Dsjí.... hélt hann væri löngu dauður

Ljónin í gamla daga voru kjánaleg á svipinn.
Við Addi náðum þeim svaka vel (Tower of London)

Þarna er Addi með krökkunum sem hann fékk borgað fyrir að leika við í London. Eins og sjá má gerir hann þetta bara fyrir peninginn en greyin tvö virðast skemmta sér vel.

Flóðin

2007-06-30T19:30:00.000Z

Úfff, hvað það rignir mikið. Held það hafi ekki komið rigningarlaus dagur í 2.5 vikur.

Eitt sem er ráðlegt að gera í rigningum sem þessum er að splæsa í stigggvjeeli:

Elsku Sólveig!! Til hamingju með afmælið elsku systir!

Gleði, gleði

2007-06-28T13:09:00.000Z

Þóra, Kolli og Jói í garðinum sem við eigum ekki lengur

Huginn og Þóra Kristín

Ásta, Ámundi og Elsa Björg mætt á Liverpools Street Station. Ámundi náðist á mynd á fólksmergðinni

Ásta Skásta

Elsa Björg að taka sólardansinn til að mótmæla rigningunni

Ótrúlega gaman að borða á Robinson Road

Jói og Ámundi í Center Court í Wimbledon, sem er samt ekki tennisvöllur...

Ég hagaði mér vel allan tímann...

...en það sama er ekki hægt að segja um Ástu

Blésa Doddi, eigum við að kíkja á rúntinn?

Ég elska gesti!

2007-06-24T10:27:00.000Z

Takk fyrir allar kveðjurnar kæru vinir!
Mikið hef ég nú haft það gott frá síðusta prófi. Einhver kann að kalla þetta leti en ég kýs að kalla þetta orkusöfnun.... eða eitthvað. Annars vorum við svo heppin að fá tvo góða gesti, alveg óvænt. Huginn nokkur Þorsteinsson var hjá okkur í nokkra daga. Þá daga var ég reyndar að læra fyrir próf og Jói að undirbúa kynningu á lokavekefninu sínu. Við vorum því ekki alveg eins skemmtileg og við hefðum viljað en Huginn var samt skemmtilegur. Fengum Þóru og Kolla í heimsókn eitt kvöldið, elduðum DÝRINDIS mat og skoluðum honum niður með góðu víni. Mikið af góðu víni. Daginn eftir hefðu sumir viljað að vínið hefði ekki verið alveg svona gott. En hvað um það.
Á föstudagskvöld fengum við svo símhringingu frá strandaglópi á Heathrow, Ásgeiri Leifi Höskuldssyni. Hann stoppaði hjá okkur í nokkrar klukkustundir áður en hann gerði aðra tilraun til að komast í flugvél til Íslands.
Á morgun koma svo Ásta, Ámundi og Elsa Björg, eintóm lukka og eftirvænting hvað það varðar!

Fór á klippistofu í gær. Hún er ekki alveg í sama standard og stofurnar sem við þekkjum á Íslandi. Ég er bara ekki alveg tilbúin til að borga handlegg til að fá klippingu og fer því frekar á stofur sem eru ekki alveg eins glamúrlegar. Niðurstaða ferðarinnar var sú að nú veit ég að það fer mér ekki vel að vera með fjólublátt hár. Hmmm, hefði svo sem getað sagt mér það sjálf án þess að borga fullt af péninig til að komast að því "the hard way". En svo ég líti á björtu hliðarnar þá á ég bæði fjólubláan bol og fjólubláa tösku sem ég get notað við hárið!

Próflok

2007-06-21T15:32:00.001Z

Ég er búin í prófum!!!

Farin að sofa..... bless.

P.S. rúllaði þessu upp í morgun.
P.P.S. Til hamingju með afmælið Þorri!

2007-06-15T10:38:00.001Z

Í gær var fyrsti frídagurinn sem ég tók mér í yfir fimm vikur. Það var ansi gott! Eftir að hafa verið vakin af spætu sem goggaði í gluggasilluna hjá okkur (vægt sjokk við bank á svefnherbergisgluggann á annarri hæð) fórum við Jóinn á Tate Britain og Tate Modern. Ekki seinna vænna. Við vorum sammála um að hápunktur ferðarinnar hafi verið bátsferðin niður Thames á milli safnanna tveggja. Algjörir menningarlúðar!

Jói að leita að innganginum að Tate Britain....

Annars var ýmislegt skemmtilegt að sjá og skoða á þessum söfnum, bátsferðin bara soldið meira kikk. Það var líka gaman að borða hádegismat í garðinum við Tate Britain innan um listaverkin sem voru úti á túni.

Löns við listina

Annars var próf númer fimm á miðvikudaginn síðasta. Ég var mjög annars hugar á þriðjudeginum og kom vægast sagt litlu í verk til að undirbúa mig fyrir prófið. Metnaðurinn var floginn út í veður og vind og ekki bætti það hve lítinn áhuga ég hafði á efninu sem var verið að fara að prófa mig úr. Allt þetta skvettist svo beint upp í andlitið á mér í prófinu sjálfu sem var töluverður dísaster. Ég verð nú ekkert felld en þetta var ekki fallegt. Ég var nú ekki lengi að velta mér upp úr því enda ánægjan að vera búin með fimm prófa törnina flestu yfirsterkara. Nú er bara eitt próf eftir og það er ekki fyrr en á fimmtudagsmorgun. Ég hef því nokkra daga til að undirbúa mig.
Natasha og Del á neðri hæðinni fóru til New York í morgun og verða fram á fimmtudag (síðasta prófdaginn minn). Á meðan þau eru í burtu fáum við að vera í garðinum þeirra, borða jarðaberin sem þau eru að rækta, spínatið og kóríanderinn. Við getum líka verið í íbúðinni þeirra og horft á sjónvarpið (eitthvað sem við höfum ekki gert síðan í jólafríinu á Íslandi) og ALLAR DVD myndirnar þeirra. Ég lét þau pent vita að mér þætti þau helst til léleg að hafa ekki skipulagt þessa New York ferð í samráði við okkur þar sem ég ætla ekki að gefa mér tíma þessa vikuna til að glápa á sjónvarpið og drekka hvítvín í garðinum. Pínu bömmer en ég er alveg hrikalega glöð með að eiga garð í viku, þó það eigi að rigna alla vikuna (sit bara með regnhlíf í garðinu og les í skólabók).

KOSSAR OG SYKURPÚÐAKNÚS

Kviss Bang!

2007-06-11T16:33:00.000Z

Það sem hlutirnir gerast hratt hérna í útlandinu! Allt í einu búin með fjögur próf, best að rumpa þessu bara af! Prófin í dag gengu svona.... sæmilega. Hvorki meira né (sem betur fer) minna. Klúðraði temmilega miklu, skildi hvorki upp né niður í temmilega miklu, steingleymdi temmilega miklu en sem betur fer mundi ég þó temmilega mikið og kom temmilega miklu frá mér líka. En mikið svakalega er mér illt í þumlinum eftir þetta maraþon. Úlnliðurinn stífur og aumur og kenni ég sársauka upp í olnboga. Orðin of góðu vön greinilega. Alltaf að pikka á lyklaborð og algjörlega búin að glopra niður öllu skrifþoli.

En þar sem ég er svona svakalega eftir mig ætla ég nú að leggjast upp í rúm og horfa á eins og einn eða tvo þætti af The Office.

Hau, ég trúi ekki að ég hafi gleymt að segja ykkur frá nágranna okkar. Við Jói eigum sko nágranna sem er ugly naked guy! Ég eyði sem sagt miklum tíma þessa dagana við eldhúsborðið við lestur góðra bóka og hef ágætis útsýni út um eldhúsgluggann á sama tíma. Sé meðal annars inn um eldhúsgluggan í einu húsanna sem er hér rétt hjá. Ég hef nú ítrekað séð eiganda þessa eldhúsglugga bregða fyrir. Hann er þá ýmist að fá sér vatn að drekka, vaska upp eða sýsla við annað í eldhúsinu. Ekki í eitt einasta skipti hefur maðurinn verið í fötum. Stórskemmtilegt alveg hreint. Nafnið Ugly Naked Guy er því orðið pikkfast við þennan örugglega ágæta nágranna okkar.

STIKN

2007-06-10T15:53:00.001Z

Tvö búin, fjögur eftir!

2007-06-08T12:19:00.001Z

Jæja, annað prófið búið. Mér finnst ágætis afrek að klára tvö próf á innan við sólarhring enda ætla ég að endurtaka leikinn á mánudaginn þegar ég klára tvö próf á 6.5 klst. En ég held mér hafi gengið ágætlega áðan, soldið erfitt að segja til um það þar sem þetta voru tvær stórar ritgerðarspurningar. En ég gat allavega valið spurningar sem ég hafði undirbúið mig temmilega vel fyrir svo það er ekki annað hægt en að vera sátt. Prófið í gær var prófið sem ég hafði engar áhyggjur af á meðan prófið í dag var það sem ég hafði einna mestar áhyggjur af. Svo kemur þetta svona öfugsnúið út. Kennir mér kannski að fara ekki of örugg í próf á meðan slatti af stressi og öryggisleysi hjálpar líklega (á meðan það er ekki of mikið).

En mikið er ég fegin að þessi tvö próf eru þó búin. Planið er að taka því tiltölulega rólega í dag og safna kröftum fyrir átök helgarinnar. Mánudagurinn verður algjört helvíti en þegar hann er búinn þá er ég líka farin að sjá fyrir endann á próftíð (þó svo að ein og hálf vika verði þá eftir).

Þar klúðraði ég því!

2007-06-07T16:39:00.000Z

Var að koma úr fyrsta prófinu. Var agalega fegin að fá að byrja á léttasta prófinu, fínt fyrir sjálfstraustið og svona. Úfffff, ég klúðraði því alveg. Féll all svaðalega á tíma og kom þar inn í bæði að ég skrifaði of löng svör og var svo farin að panika út af tímanum og við það lokaðist heilinn. Það er svakalega pirrandi að vita svörin en hafa ekki tíma til að skrifa þau. Get reiknað með 20% sem detta alveg út (af því ég hafði ekki tíma til að svara) og svo eru það náttúrulega allar vitleysurnar sem dragast frá. Ég er alveg hundfúl yfir að vera að koma úr prófi sem ég hefði getað fengið 9 í ef ég hefði haft aukahálftíma en kem líklega til með að fá um 6. Ég var orðin svo stressuð á tímanum undir lokin að ég klúðraði heillri spurningu á svakalega klaufalegan hátt. Prófið var 22 bls allt í allt og stundum þurftum við að nota reikna og túlka tölur sem settar voru fram í töflu tveimur eða þremur blaðsíðum framar. Við vorum því alltaf að blaða fram og til baka í prófheftinu. Í lokin var ein spurning sem mér þótti aldeilis létt og rumpaði henni af með stæl. Tók svo eftir því að ég notaði tölurar út töflu sem var þremur bls. framan en átti að nota tölur í töflu sem var einni bls. framar. Hafði ekki tíma til að laga það. En svona er þetta, mér tókst ekki það sem ég ætlaði mér og er það engum að kenna nema sjálfri mér. Bara svakalega pirruð eitthvað núna, þið afsakið. Auðtvitað hugga ég mig við það að ég er þó ekki að fara að falla. En fjandakornið, þetta var prófið sem átti að hækka meðaleinkunnina mína allverulega.

En jæja, ekki nema 16 tímar í næsta próf svo ekki dugar að drolla.

Hefst þá gleðin

2007-06-06T08:48:00.000Z

Sá í gær stutta frétt um Kalla Bjarna og dópmálið mikla. Nokkrir 'moggabloggarar' voru búnir að tjá sig um málið og þótti mér alveg hreint merkilegt hvað margir virutst 'halda með' manninum. Það er smá 'Árna Johnsen-lykt' af þessu. Fullt af fólki fannst alveg hrikalegt að Árni hefði verið lokaður inni í fangelsi á sama tíma og hann hefði getað verið að spila á gítar undir brekkusöng á Þjóðhátíð. Á svipaðan hátt virðast margir líta á Kalla Bjarna sem 'karlangann'. Er viðhorf fólks til hans sem dópsmyglara annað af því að hann getur sungið? Einn moggabloggarinn taldi að ef það væri rétt að hann hefði verið 'saklaust' burðardýr vegna dópskuldar ætti frekar að láta hann vinna gott verk í þágu samfélagsins, til dæmis sem forvarnarfulltrúi fyrir unglinga. Er ekki verið að grínast? Þarf forvarnarfulltrúi ekki að vera edrú (eða fékk hann dópskuldina í kornflexpakka?)? Það virðist samt alltaf vera talið að einhver "svalur" nái til krakkana og haldi þeim frá dópinu með því að segja eigin reynslusögur.

Man eftir því í grunnskóla þegar einhver agalega sætur gæi kom að vara okkur við dópdjöflinum. Hann var svo sjúklega sætur að margar hverjar (og hverjir) fengu blik í augun og náðu engan veginn boðskapnum sem gæjinn boðaði. Eina sem ég man eftir var hvað mér fannst hrikalega fyndið að opnunartíminn í versluninni sem hann starfaði í var alltaf færður aftar og aftar af því hann gat ekki komið sér í vinnu á réttu tíma. Þetta fannst okkur alveg bráðsniðugt, enda svalur kall á ferð. Svo lifði hann víst svona líka fínu lífi í dag!

Annars er fyrsta partý* af sex á morgun (kl.14:30) og það næsta morguninn eftir (kl. 10:00). Planið er að rúlla þessu upp... ef það á að gerast ætti ég hundskast af netinu og fara að læra.

* partý = prófhelvíti

Ég er dugleg stelpa

2007-06-03T16:20:00.001Z

Við erum greinilega orðin svo samstillt nágrönnunum að við förum alltaf á fætur á sama tíma og þau. Þau eru með hvolpinn í mjög svo strangri hundaþjálfun sem felur meðal annars í sér að hrósa henni í hástert í hvert skipti sem hún pissar úti (en ekki á gólfið inni). Alla morgna þegar ég hleyp í spreng fram á klósett og pissa þá heyri ég hátt og skýrt beint fyrir utan gluggan hjá mér: "GOOD GIRL". Ég er farin að kunna ágætlega við þetta enda löngu orðið tímabært að einhver hrósi mér fyrir að gera þarfir mínar á réttum stöðum!

Fö-fö-föstudagskvöld...byrjar vel! (Sólstrandargæjarnir)

2007-06-01T20:40:00.000Z

Föstudagskvöld og þetta er nú meira yndið!
Ákveðið var að slá lærdómnum upp í smá kæruleysi í dag og halda til Wimbledon. En það var sko BARA af því að við þurftum að skila bókum á bókasafnið (allt mjög menningarlegar og fræðandi bækur... með engum myndum (ahemm)). Ekki gat ég látið Jóa fara einan, það gæti komið einhver dóni og farið að bögga hann, svo námsbækurnar urðu að bíða í smá stund. Áður en við vorum komin út götuna okkar fékk ég öran hjartslátt og ætlaði að snúa við og fara heim að læra. Jói lét mig fara í gegnum nokkrar öndunaræfingarog náði að plata mig upp í strætó á meðan svo ekki var aftur snúið. Ekki leið á löngu þar til allar vangaveltur um orðræðugreiningu (og þaðan af verri hluti) voru horfnar út í veður og vind og eftirvænting tekin við. Ferðin var tekin með trompi þar sem við byrjuðum á að fara á Wagamama til að fá okkur Gyoza (mmmmm, gyoza... þið sem ekki þekkið til eigið samúð mína alla. Japanskur veitingastaður með besta rétt í heiminum). Þar sem ég á svo góðan þjónustufulltrúa (Svanhildur, þú ert æði) sem gefur mér yfirdráttarheimildir eins og hún fái borgað fyrir það.... Bíddu, hún FÆR borgað fyrir það! Já, en einmitt þess vegna fórum við í Center Court og spreðuðum öllum péningnum sem átti að fara í húsaleigu (róleg mamma, ég tók bara svona til orða... við eyddum bara ponku litlu). Með kvöldlærdómnum var svo opnuð hvítvínsflaska sem virkar nú bara eins og kæruleysis-sprauta á mína og svei mér þá ef ég er ekki bara orðin þræl-kippó. Var að vonast til að geta svæft heilann með þessu. Heilinn greyið fær nefnilega enga pásu. Anganstetrið er að svara prófspurningum ALLAR nætur. Þegar ég vakna upp á nóttunni er hann undantekningalaust í óða önn að klóra sig í gegnum hinar flóknustu þrautir. Verst að hvítvínið svæfði heilann of snemma í kvöld og hann botnaði hvorki upp né niður í því sem stóð í bókunum. Svei mér þá ef ég fer ekki bara að horfa á (líklega) þá stórlélegu mynd Arachnophobia í staðinn fyrir að læra um innihaldsgreiningu í dagblöðum. Getur mynd um kóngulær verið góð???

Svo vil ég senda systur minni, frænku minni og elskulegum vinkonum mínum stærsta knús í heimi fyrir að hafa svarað einmaleikakalli mínu þegar ég þurfti hvað mest á því að halda!

Óska ykkur svo góðrar helgi með þessu hér, smellið á linkinn og "kveikið" og "slökkvið" hljóðfærarleikurunum eins og skap ykkar á við (svei mér þá, ég man ekki hvar ég stal þessu).

Pálína var ein í heiminum...

2007-05-31T14:25:00.001Z

...og það bankaði engin(n)!!

Hvar eruði öll???

Próftíð...

2007-05-29T09:27:00.000Z

Fyrir

Eftir

Múahahahahahahhahahahahahah......mohehehehehehehe..hohohohohohohhohohoohohohoho

Hlaupaátak...

2007-05-27T09:52:00.001Z

... Heiðar heldur áfram. Nú í morgun var stokkið út í grenjandi dembu og hlaupið í blautu grasinu. Ansi hressandi get ég sagt ykkur. Soldið illt í eyrunum núna...það lagast. En svona er gott að byrja daginn. Verst að mig langar í köku núna....

P.S. Auglýsi hér með eftir Steinunni G. Björgvinsdóttur, en hún skuldar okkur öllum bloggfærsluR.

Can I have one?

2007-05-26T15:57:00.000Z

Þau Derek og Natasha á neðri hæðinni voru að fá hvolp í gær. Pínu- oggulítill Beagle hvolpur. Hún er ekki nema 8 vikna og er held ég sætust af þeim öllum. Kíktum í smá heimsókn áðan og bjuggumst við að fá hoppandi sprelligosahvolp sem myndi naga á okkur handleggina. Það var sko ekki! Hún þefaði af okkur og skreið svo upp í kjöltuna á mér þar sem ég sat á gólfinu. Hún kúrði sig upp við mig og steinsofnaði (með litlum krúttaralegum hvolpahrotum). Hvernig gat ég ekki orðið yfir mig ástfangin á staðnum!?!?! Hún er soldið völt á fótunum, með krumpað trýni (ekki búin að ná að vaxa upp í allar umbúðirnar) og mjúk lafandi eyru. Jedúdda mía, nú er ég alveg orðin sjúk. Í hvolp sko, vil fá eilífðar hvolp. Myndin hér til hliðar er ekki af henni en hún er samt svona lítil og krúttleg.... bara aðeins sætari.

Annars ekkert að frétta...

Skítafýla? I love it!

2007-05-24T15:37:00.000Z

Hmmmm, hlaupin gengu ekkert voðalega vel, ég var alveg að leka niður rétt þegar ég var komin út um hliðið við húsið mitt. Það var reyndar svaklega heitt og rakt en ég fann ekki gamla hlaupagarpinn sem Hildur hélt að blundaði í mér. Úfff, púff, blás og más. Það var nú svo sem ekki við öðru að búast enda heimilismenn búnir að keppast við að safna forðaspiki síðasta árið.

En já, hitinn er kominn, og það sem meira er, rakinn er kominn. Það er ekki verandi í stofunni sökum hita og raka (já, sömu stofu og var ekki verandi í, í vetur, sökum kulda). Það er aðeins betra að sitja í eldhúsinu við galopinn gluggann. Taka þá ekki nágrannarnir upp á að bera skít á garðinn hjá sér!?!?! Ég sit því í eldhúsinu mínu í angandi skítafýlu og finnst það sko milljón sinnum skárra en að sitja í svitabaði í stofunni.

P.S. Köld fótaböð eru stórlega vanmetin!

Að hrissta á sér skankana eykur blóðflæði til heilans

2007-05-23T15:28:00.001Z

Dagarnir verða einsleitari og einsleitari. Ég get þó varla beðið eftir morgundeginu en þá stefni ég á að byrja að læra fyrir próf númer 4. Agalega skemmtilegt að fá að skipta um efni þegar klepringurinn er alveg að ganga af mér dauðri. Já, það eru furðulegir hlutir sem lífga upp á tilveruna í próftíð. Mikið hló ég í gær þegar ég var að lesa greina eftir sænskan mann sem heitir Nordenmark. Þótti alveg hreint frábært hvernig hægt var að sjóða þessum þremur Norðurlöndum saman í einum manni. Soldið svona eins og Jökull Bergmann fjallgöngugarpur og björgunarsveitarkall með meiru. Bara fyndnara. Fannst mér. Jói sagði að ég ætti að taka mér pásu. Ahahaha, Nordenmark hinn sænski.

Þeim fjölgar alltaf útihlaupurunum og tal um maraþon hér og maraþon þar hefur haft þau áhrif á mig að nú skal dustað af skónum og haldið út í garð. Hver veðjar á að ég komist 2 hringi??? Hver veðjar á 4??? Býður einhver betur? Tölum ekkert um hvað stórir hringirnir eru, það er hugarfarið sem skiptir máli. Gaman að segja fra því að nú þegar ég er við það að reima skóna á fæturna þá er Jói kominn með bjór í krús og (ógeðis) ólífur í skál og harðneitar að fara út fyrir hússins dyr. Það er reyndar svo furðulegt með hann Jóa að vöðvarnir hans þurfa á bjór að halda til að ná að stækka. Þess vegna drekkur hann svona mikinn bjór. Ólífurnar eru samt bara bððöökkk.

Í lokin er við hæfi að óska Elvu og Kristjáni Sturlu til hamingju með soninn sem kom í heiminn 18. maí og þeim Höllu Hrund og Gunnari með soninn sem kom í heiminn þann 21. maí. Össs, það er allt að gerast skal ég segja ykkur.

Nýtt lúkk

2007-05-21T13:14:00.000Z

Komdu kisa mín,
kló er falleg þín,
og grátt þitt gamla trýn.
Mikið malar þú,
mér það líkar nú,
víst ertu vænsta hjú.

Banar margri mús,
mitt þú friðar hús,
ekki' er á þér lús,
oft þú spilar brús.

Undrasniðug, létt og liðug
leikur bæði snör og fús,
við skulum drekka dús.

Verst að Jói er með ofnæmi....

Andvarp og berrassaðir tvíburar

2007-05-18T11:21:00.000Z

Ég er nú þegar orðin alveg hreint uppgefin á próflestri og ennþá svona agalega mikið eftir. Ég gerði stórt lestrar-/læri-dagatal sem hangir nú uppi á vegg (jájá, ég veit, æðislega halló). Þýðir ekkert nema að vera svaka skipulögð þegar allt bendir til þess að tíminn sé að hamast við að vinna á móti mér. Skipulagið á téðu dagatali þótti mér mjög raunsætt enda þýðir lítið að gera plön sem ómögulegt er að standa við. Stutta útgáfan af sögunni er þessi: Ég klúðraði planinu á 2. degi!!! Svo setti þessi blessaða kosningahelgi allt úr skorðum (sem ég taldi mig þó hafa gert ráð fyrir þegar lestrarskipulagið var hannað) og nú er ég einum og hálfum degi á eftir áætlun. Ekki svo agalegt - gætu sum ykkar hugsað, en ef raunsæispakkinn er tekinn á þetta áfram þá má reikna með því að mér seinki um 1 dag fyrir hvert próf sem ég læri fyrir og allt í allt gerir það 6 daga seinkun. Með 6 daga seinkun missi ég hreinlega af 5 af prófunum (þar sem þau eru haldin á 6 dögum). Ég veit ekki með ykkur en þessi speki mín meikar fullkomið sens fyrir mér sem þýðir að staðan er EKKI góð.

Svo er þessi skóli að valda endalausum truflunum, ég fæ ekki að læra fyrir próf (og taka þau) í friði fyrir endalausu lokaverkefnisböggi. Það þykir víst æðislega góð hugmynd að láta okkur skila fyrsta uppkasti í miðri próftíð (og þá meina ég sko miðri próftíð). Mér finnst ég hafa nægan tíma í að skrifa þessa lokaritgerð eftir að prófin eru búin og vil svona síður vera að nota dýrmætan prófatíma í hana. Vandamálið er hins vegar það að kennararnir (leiðbeinendurnir) fara í sumarfrí um leið og prófin eru búin sem þýðir að ég kem til með að skrifa þessa blessuðu ritgerð leiðbeinandalaus. Alveg hreint merkilegt kerfi.... setja námið þannig upp að nemendur skrifi lokaritgerð í júlí og ágúst en senda á sama tíma alla leiðbeinendurna í frí. Til hvers eru þessi leiðbeinendur eiginlega?

Úff, jæja... ég búin að pústa soldið... vonandi dóuði ekki úr leiðindum við kvartið í mér. Þurfti bara aðeins að koma þessu frá mér.

Nú er málið að viðra sig aðeins og rölta út í búð. Í dag ætla ég að velja að fara í Sainsbury's verslunina þar sem mig vantar smá krydd í tilveruna. Þannig er nefnilega mál með vexti að í þessaru verslun rekst ég iðulega á tvíburasystur sem búa hérna í hverfinu og alltaf eru þær mér jafnmikil skemmtun. Þær eru líklega á bilinu 18-23 ára (að sjálfsögðu ekki ein 18 og hin 23 sko, þær eru tvíburar. Punkturinn er að þær eru ungar... samt jafnungar....hoho) og líta alveg eins út (það er víst kallað eineggja á fræðimáli).
Þær eru frekar hávaxnar, grannar og með stór brjóst. Þær virðast vera styrktar af brúnkuklútafyrirtæki og eru líklegast frekar blankar þar sem þær virðast aðeins hafa efni á MJÖG efnislitlum fötum. Fyrst þegar ég sá þær hélt ég að þær væru í "búningum". Þ.e. að þær væru að þjóna á einhverri skítabúllu og væru skikkaðar til að vera í minipilsi og bikinitopp (sá þær sko fyrst í desember eða álíka.... það var kalt). En svo hef ég séð þær nokkrum sinnum við mismunandi tækifæri og er nú sannfærð um þetta eru sko ekki "búningar". En úff, hvað ég hef stundum vorkennt þeim í kuldanum. Við erum að tala um dúnúlpu og vettlinga hjá öllu fólki á götunni og svo mæta þær í magabol, stuttbuxum sem skerast upp í rassinn og pinnahælum. Þær labba alveg í takt og alltaf alveg við hliðina á hvorri annarri. Sorglega staðreyndin er sú að ef fáklædd "skutla" gengur fram hjá hópi karlmanna (eða einum karlmanni....ha Simmi ha) þá snúa þeir sér oftar en ekki við og horfa. Oftast finnst mér þetta hálf hallærislegt en þegar þær koma tvær trítlandi á hælunum, lítandi ALVEG eins út, þá get ég ekki annað en brosað að viðbrögðum fólks. Úfff, en þær eru í alvöru pínu eins og þær hafi verið aldar upp í sirkus.... greyin. Kannski ég taki með mér auka vettlinga handa þeim.

KNÚSIMÚS SYKURPÚÐAR!

Átökin á kosninganótt...

2007-05-15T18:50:00.000Z

...voru slík að ég fékk blöðrur UNDIR báða hælana. Ekki veit ég hvernig mér tókst að afreka þetta en blöðrurnar hafa aftrað mér svolítið síðustu daga. Þetta er nú allt að koma samt og get ég stigið dans áður en þið getið sagt "Tappi Tíkarrass tryllir tærnar".

En hvernig er það, ætlar ekkert ykkar að gifta sig í sumar. Mig er farið að langa pínu ponku að hafa afsökun fyrir því að skreppa heim og brúðkaup er það eina sem mér dettur í hug að nái að slíta mig frá öllum þessum lærdómi.

Jiiiii, hvað ég hlakka til að fara til Króatíu í september.

2007-05-12T14:27:00.000Z

Jæja, nú eru væntanlega allir búnir að dressa sig upp í sitt fínasta púss og halda til kjörstaðar. Ég treysti á ykkur þarna úti til að hafa lagt ykkar af mörkunum til að koma vinstristjórn á laggirnar, hæ hó jibbý jeij!

Ég kem ekki miklu í verk í dag, er bara að bíða eftir að klukkan verði "tími til kominn að fara á pöbbinn á kosningavökuna". En til að afsaka mig frá skólabókunum setti ég inn fullt af myndum í myndaalbúmið hér til hliðar. Getið skoðað myndir frá ferðinni til Bath með því að smella hér. Þið getið skoðað páskamyndirnar með því að smella hér og svo getiði skoðað heilan helling af myndum frá síðustu helgi þegar Geiri og Dögg voru hérna með því að smella hér. Svo er líka alltaf hægt að skoða myndirnar með því að fara í albúmið hér til hliðar.

Skemmtið ykkur fallega í kvöld kæru vinir!

Það er svo gaman að gera annað en að læra fyrir próf!

2007-05-11T16:06:00.000Z

Hér fyrir neðan eru myndbrot sem lýsa heimilislífinu á Robinson Road nokkuð vel. Endalaus gleði!

Smellið hér frá mér

Smellið hér frá Jóa

Svo er það bara að tjútta af sér rassinn alla daga!

2007-05-11T10:54:00.000Z

Spennan eyks, dagurinn stóri er á morgun. Þetta verður nú meiri hátíðin (vonandi). Förum á kosningavöku hérna í London og fögnum (vonandi).

Fjórir þreyttir og fátækir námsmenn bönkuðu hjá nágrönnunum í gær og fengu að horfa á Eirík Haukson gera Íslendinga stolta (...) á sviðinu í Helsinki. Horfðum á lagið og hypjuðum okkur svo aftur upp á sjónvarpslausu hæðina okkar. Úrslit kvöldsins voru ekki ánægjuleg fyrir Íslendinga en í staðinn vona ég að úrslit laugardagskvöldsins verði ánægjuleg fyrir Íslendinga. Allt er vænt sem vel er grænt.

Bendi á pistil húsbóndans, bréf sem hann skrifaði til bekkjarfélaga sinna: Smella hér.

Hau, gleymdi ég ekki að monta mig af 5000 kallinum sem við unnum á hundaveðhlaupinu???

Húsfreyjan (eins og Hildur kallar það) snýr sé nú að fjölbreytu aðhvarfsgreiningunni (sem bæ ðe vei er ógeðslega létt) á ný.

Helgin sem leið

2007-05-09T12:35:00.000Z

Jói og Geiri sameinaðir á ný!

Við Dögg vorum sko líka þarna en netið er of hægt í dag til að ég hafi tíma til að seta okkur snillingana hér inn. Næsta myndafærsla verður tileinkuð okkur tveimur. Þangað til ætla ég að leyfa þessum elskum að njóta athyglinnar óspilltrar (svona til tilbreytingar).

P.S. Mæli með STOMP sýningunni fyrir þá sem leggja leið sína til Lundúna!
P.P.S. Veriði góð hvert við annað!

Hamingjuóskir

2007-04-30T18:46:00.000Z

Hann Baldur (bróðir hans Jóhanns) átti afmæli í gær. Í tilefni dagsins var slegið á þráðinn til kauða. Hann hafði ekki mikinn tíma í spjall þar sem hann og Heiðbjört voru að gifta sig!!!! Þetta er svo miklir snillingar, buðu í afmæliskaffi og gestirnir höfðu ekki hugmynd um að þeir væru líka á leið í brúðkaup.

Elsku Baldur og Heiðbjört, innilega til hamingju!!!

Valdi Víðis og Anna Sigga eignuðust lítinn strák í dag og vil ég einnig nýta tækifærið til að óska þeim til hamingju!

Best að snúa sér að bókunum á ný... þrír dagar í skiladaginn ógurlega þar sem ég skila þremur stórum verkefnum. Það er því að duga eða drepast!

Það er farið að rigna

2007-04-26T16:11:00.000Z

Hæ hó alle hupa!

Þar sem í dag er rigning en á morgun á að vera 25 stiga hiti (og 26 stiga hiti hinn daginn) ákvað ég að skella í einn stuttan. Svo lofa ég að hætta að "monta mig" af veðrinu.

Hér gengur lífið sinn vanagang. Ég er komin með upp í kok af verkefnavinnu. Skila skelfilegasta verkefni veraldar í fyrramálið og öðrum þremur eftir viku. Ég hef lokið öllum nema einu en núna virðist kvótinn líka uppurinn. Ánægjan við að leggja kapal á tölvunni hefur náð nýjum víddum og ég hef sjaldan kynnst betri skemmtun. Munaðurinn nær þó ekki til þess að spila tölvuleiki á netinu þar sem ég tamdi mér fyrir mörgum vikum að læra í eldhúsinu þar sem engin nettengin er. Það þrælvirkar sko. Staðan er orðin þannig núna að ég get ekki beðið eftir að fá að læra fyrir próf. Hljómar skelfilega en lýsir því ef til vill hve nóg ég er komin með af því að vera að vinna þessi verkefni. Hef samt lært heilan helling af sumum þeirra.... öðrum ekki neitt.

Ég kaus á mánudaginn. Ég kaus ekki Framsókn. Ég hef aldrei kosið Framsókn. Dagurinn var svo haldinn hátíðlegu eins reglur gera ráð fyrir.

Svo er ýmislegt á döfinni, ég hef aldrei séð fram á eins skipulagðan tíma og næstu mánuðir eru. Eftir viku koma Geiri og Dögg til okkar. Vei vei! Svo er það próflestur á hundrað og milljón en við honum taka svo prófin sjálf sem verður lokið á hádegi 21. júní. Þann 25.júní koma Ásta, Ámundi og Elsa Björg til okkar. Vei vei! Sama dag og þau fara, eða þann 28. júní, koma Addi og Fjóla til okkar. Vei vei! Svo er það lokaverkefnið sem þarf að vinnast einn tveir og kviss bang þar sem ég hef ekkert náð að vinna í því núna í apríl (eins og plön gerðu ráð fyrir). Verkefnið verður afhent þann 21.ágúst. Simmi kemur svo til okkar 23. til 27. ágúst. Vei vei. Þann 1. september hoppum við Jói svo upp í flugvél til Trieste á Ítalíu þar sem við gistum eina nótt áður en við förum til Króatíu með fjölskyldunni minni. Vei vei! Við komum aftur til London 9. sept og stefni ég þá á að eyða örfáum dögum í að þvo fötin mín áður en ég heimsæki Steinu til Ísrael. Síðasta ferðin er þó ekki orðin alveg niðurnegld. Langar líka að heimsækja Hildi og Óskar á þessum tíma. Sjáum til hvernig það fer. Þegar öllu þessu er lokið ætla ég að flytja til Íslands.

Einhverjum var ég búin að lofa páskunum í máli og myndum, hér koma í það minnsta nokkrar myndir:

Á gangi í Hyde Park á páskadag...

Össs, hvað ég get verið góður ljósmyndari!

Þvílíka gleðin þegar við gæddum okkur á páskalambinu íslenska

Pabbi og Jói á Tower Bridge

Alltaf jafn erfitt þegar Guinnessinn kláraðist. Karlanginn....

Trafalgar Square eftir leiksýningu

Þetta eru nú meiri snillingarnir. Takk fyrir heimsóknina Múttutútt og Pápsapé!!

Svona er þetta bara...

2007-04-16T15:52:00.000Z

...þegar úti er 25 stiga hiti og sól, þá fara lærdómspásurnar frekar í það að fara út í garð heldur en að blogga.

Kannski fer bráðum að rigna og þá blogga ég...

Bath

2007-04-11T10:38:00.000Z

Við Jói fórum til Bath um daginn með Auði og Nonna. Það var gaman. Rútan "lenti í " bílslysi við lítinn fólksbíl á leiðinni. Þegar við fórum frá slysstað hálftíma seinna var ekki ennþá búið að ná ökumanni fólksbílsins út. Við fengum ekkert að vita frekar um afdrif hennar. Ég tók eina mynd í rútunni og þar með varð myndavélin batteríslaus. Sem betur fer eru seld batterí í Bath. Við Jói og Auður borguðum 12 pund á mann til að liggja í einn og hálfan tíma í rómversku baði sem ekki hefur verið heitara en 36 gráður (það var líka kalt úti). Það var samt gaman (og sturtan var hlý). Húsin í Bath eru falleg. Rómverjarnir í Bath eru ekki fallegir. Það var gaman í Bath! Við skulum sjá myndir. Smellið á myndirnar til að sjá þærri stærri. Nauðynlegt til að sjá Rómverjann á fyrstu myndinni.

Ef grannt er skoðað má hér að ofan sjá Rómverja sem er ekki svo fallegur

Svona þrammar Auður Magndís hvert sem hún fer

Jói og Auður í pottinum "góða"

Jedúdda mía, hvað maður skemmtir sér vel alltaf hreint!

Hér má sjá mína góðu ferðafélaga, Jóhann, Jón Birgi og Auði Magndísi.
Þau eru öll sykurpúðar.

Næst verða það páskarnir í máli og myndum. Mamma mín og pabbi minn munu þar vera í aðalhlutverki.

Íslenskar konur, myndir og GÓÐA HELGI!

2007-03-30T14:06:00.000Z

Henti inn tveimur myndaalbúmum sem finna má hér til hliðar.

Fékk eftirfarandi brandara sendan frá Kristjönu, langaði að deila honum með ykkur. Sagan segir að brandarinn hafi borist í íslensk pósthólf frá USA. Njótið!

Three men were sitting together bragging about how they had given their new wives duties.

The first man had married a Woman from Colorado and had told her that she was going to do the dishes and house cleaning. It took a couple days, but on the third day he came home to a clean house and dishes washed and put away.

The second man had married a woman from Nebraska He had given his wife orders that she was to do all the cleaning, dishes, and the cooking. The first day he didn't see any results, but the next day he saw it was better. By the third day, he saw his house was clean, the dishes were done, and there was a huge dinner on the table.

The third man had married a girl from Iceland . He told her that her duties were to keep the house cleaned, dishes washed, lawn mowed, laundry washed and hot meals on the table for every meal. He said the first day he didn't see anything, the second day he didn't see anything, but by the third day some of the swelling had gone down and he could see a little out of his left eye, enough to fix himself a bite to eat and load the dishwasher.

Ljótt að stela

2007-03-22T10:25:00.000Z

Ég fór á bókasafnið í gær til að ljósrita enn meira af einhverju efni sem kemur líklega lítið til með að hjálpa mér í framtíðinni. Og þó. Efnið hjálpar mér vonandi til að komast sómasamlega frá þessu verkefni sem ég er að glíma við, sem skilar sér svo vonandi í sómasamlegri einkunn sem leiðir svo vonandi til sómasamlegs prófskírteinis frá þessum annars sómasamlega skóla. Hjálpar mér ef til vill við að eiga sómasamlegan starfsframa.
Þegar ég kem að ljósritunarvélinni sé ég að manneskjan sem hefur verið þar á undan mér hafði skilið ljósritunarkortið sitt eftir í vélinni. Kortið innihélt um 3,5 pund en fyrir það má ljósrita hátt í 90 blaðsíður. Þarna var sem sagt fjársjóð að finna fyrir fátæku námsstúlkuna mig. Á meðan ég ljósritaði (notandi mitt kort) kom engin(n) að sækja þetta kort sitt. Áður en ég fór stakk ég því óskilakortinu í vasann og þrammaði út, hugsandi "fokk, fokk, shit, nú verð ég gómuð maður! Send fyrir aganefnd og ég veit ekki hvað og hvað". Hjartað sló örar en venjulega þegar ég fór í gegnum öryggishliðið út af bókasafninu. Haha, eins og það pípi á mann ef maður er með stolið ljósritunarkort en ekki ef borgað hefur verið fyrir það. Þó ég væri nú komin út af bókasafninu var ég bullandi óörugg og þorði ekki að kveikja á ipodnum því þá myndi ég ekki heyra þegar kallað væri á eftir mér til að saka mig (réttilega) um þjófnað. Ég labbaði út af skólasvæðinu og fékk mér að borða á Subway. Allan tímann þar hugsaði ég um ljósritunarkortið í vasanum mínum. Það eru alltaf myndavélar alls staðar. Væri ekki alveg til í myndinni að eigandi kortsins hefði komið og sagt frá því hvar kortið hefði verið skilið eftir. Þá er bara kíkt í myndavélina, spólað smá til baka og vúlla! Þarna er ég á filmu, að stela!!! Svo er prentuð út mynd af mér og hún send á alla starfsmenn bókasafnsins svo að næst þegar ég fer þangað verð ég böstuð.

Eftir subway-inn sneri ég við. Fór aftur á bókasafnið og skilaði kortinu í afgreiðsluna. Æðislega Heiðarleg (pun intended) og sagðist hafa fundið þetta í einni vélinni, eitthvert aumingjans greyið hefði líklega gleymt þessu.

Í dag hnussar pínu í mér þar sem ég er nú sannfærð um að hafa verið að gefa bókasafninu pening en ekki verið að skila honum til réttilegs eiganda. Samt viss um að það hafi verið rétt hjá mér að skila kortinu. Fyrir vikið svaf ég vært í nótt.

Hverju ætli þetta sé að "þakka"? Big Brother hræðslu, hræðslu yfir því að stöðugt sé fylgst með mér eða kristilegu uppeldi foreldra minna?

Get slim... take up sport

2007-03-20T09:23:00.000Z

Thid vitid vaentanlega oll hver Jamie Oliver er (nakta kokkinn) og flest ykkar hafid einhverja hugmynd um herferd hans tengda baettu faedi i breskum skolum. SkjarEinn syndi a sinum tima sjonvarpsthaetti thessu tengdu. Eg sa einn eda tvo thaetti og bloskradi natturulega algjorlega. Tharna var thessi yndislegi madur buinn ad helga sig thessu verkefni og fekk ekkert nema skitkast fyrir. Starfsfolki skolanna likadi ekki vid hann thar sem hann gerdi thad ad verkum ad ekki var haegt ad henda fronskum i djupsteikingapott og kalla thad hadegismat heldur thurftu kokkarnir ad fara ad elda "i alvorunni". Krakkarnir voru hundfulir og neitudu ad smakka matinn og foreldrarnir laumudu McDonald's maltidum til theirra thvi "thad er vist betra ad thau bordi franskar i oll mal heldur en ad thau bordi bara alls ekki".
Eftir ad eg kom hingad til London vard eg fljotlega vor vid thad ad Jamie Oliver med sina hollustuherferd er mjog umdeildur og flestir lata sig malid varda. Eg gat nu bara ekki annad en skellt upp ur i tjubunni i morgun thegar eg las frett i bladinu tengda thessu mali. I frettinni var sagt fra rannsakendum sem maelt hofdu likamsfitu 5500 12 ara barna i Bristol. Elska alveg hreint hvernig thetta ord, "researchers", er notad i blodunum. Hverjir i oskopunum eru thessir rannsakendur eiginlega?? En jaeja, thessir rannsakendur skodudu einnig hve mikid krakkarnir hreyfdu sig a 7 dogum (measured their activity levels). Nidurstodurnar syndu thad ad likamsfita krakkanna sem hreyfdu sig litid var meiri en theirra sem hreyfdu sig mikid. I frettinni er svo sagt ad thessar nidurstodur seu SONNUN thess ad thad ad stunda ekki ithrottir se astaeda offitu barna og unglinga en EKKI lelegt mataraedi eins og Jamie Oliver se ad halda fram. HAHAHAHA, thetta eru nu meiri snillingarnir. Kaeru foreldrar, thid getid sem sagt gefid krokkunum ykkar McDonald's maltidir i hvert mal svo framarlega sem their stunda ithrottir. Thetta hafa rannsoknir synt fram a!

Prófkvíði

2007-03-17T15:58:00.000Z

Shitturinn titturinn hvað randaflugurnar hérna eru stórar. Ég var með hjartað í buxunum alla leiðina í skólann í gær.

Helvítis góða veður alltaf hreint...

Próftaflan er komin, þetta er ekki fallegt. Fimm af mínum sex prófum eru á einni viku. Próf á fimmtudegi, próf á föstudegi, svo kemur helgi, TVÖ próf á mánudegi og svo próf á miðvikudegi. Sjötta prófið er svo viku seinna. Er ekkert verið að grínast í mér? Próftíðin er rúmar þrjár vikur svo ég er ekki alveg að sjá skynsemina í þessu. Ef ég veikist þá er þetta ekki spurning um að missa af einu prófi (eða vera lasin í einu próf) heldur er öll próftíðin í húfi. Best að kaupa lýsi.

Andleysi erfitt er

2007-03-13T16:14:00.000Z

Vorið er komið og þýðir það að allir Íslendingar hér í Lundúnum eru hamingjusamari en alla jafna. Fyrir ykkur sem eruð á Íslandi minni ég á gleðiljósin í Vesturbæjarlauginni (hvað hefur þessi yndislegi Vesturbær ekki upp á að bjóða?). Átti tvær ljúfar klukksustundir með sjálfri mér í gær þar sem ég sat í Covent Garden að (þykjast vera að) lesa um leið og sólin, og tilheyrandi 18 stiga hiti, yljaði mínar fölu kinnar. Hugur minn leitaði til Íslands....og ég er ekki frá því að hlakkað hafi í mér.

Í dag var blíðan lítið síðri en það var ekki hjá því komist að setjast í hina sólarlausu túbu og skrönglast í skólann. Það voru miklar tafir í túbunni. Ég hafði Auði Magndísi sem betur fer mér við hlið svo ekki leiddist mér. Verkefni dagsins var að vinna á tölvuforritinu Alceste. Forritið er ekki hægt að kaupa og það er bara í einni stofu í skólanum. Þegar téð forrit var fyrst kynnt fyrir mér stóðst ég ekki mátið og furðaði mig (upphátt) á því að verið væri að kenna okkur á forrit sem ekkert útlit væri fyrir að gæti nýst okkur eftir útskrift. Það væri ekki einu sinni hægt að kaupa það þó manns væri ríkur. Svörin sem ég fékk voru eitthvað á þá leið að það væru nú háskólar í Frakklandi sem væru með forritið og jafnvel einn skóli á Ítalíu. Hmmmm, hjálpar mér mikið! Forritið er meira að segja á frönsku. Mig hefur alltaf langað að læra frönsku...
Ég sem sagt skundaði af stað í þessa einu tölvustofu landsins sem hefur forritið í sínum tölvum. Eftir að hafa fengið skilaboðin "Access Violation" upp á skjáinn 17 sinnum og mér þar með meinaður aðgangur að forritinu ákvað ég að fara bara heim og blogga, þetta væri klassísk "seinnitímavandamál". Verst að þetta þarf að vera komið á hreint annað kvöld. En ég hef alltaf lifað eftir þeirri lífsreglu að í dag er best að fresta því sem hægt var að gera í gær þangað til á morgun. Þetta hefur fram að þessu svona líka þrælvirkað svo ekki fer ég að bregða út af þeim vana.

P.S. Ef einhver á þetta dularfulla forrit (Alceste) má sá hin(n) sama/sami senda mér það!
P.P.S. Í kvöld er annað pub quiz. Gleymdi víst að segja ykkur að við unnum síðast. Hefðum malað liðið ef ekki hefði verið fyrir þessar "bresku spurningar". *Mont*
P.P.P.S. Fórum ekki heim með alla vinningspeningana eins og ég pantaði heldur hvítvínsflösku. Það er sko dregið á milli þriggja vinninga svo peningapotturinn verði alltaf stærri og stærri. Þetta þýðir bara að við fáum enn stærri vinning í kvöld.

Örblogg

2007-03-06T15:35:00.000Z

Blogg...
Lærdómsleti...
Almenn leti...

Það var gaman í Bristol en einhverra hluta vegna fór Jói mjög snemma að sofa. Við hin skemmtum okkur hins vegar lengur fram eftir en vorum samt sprækari en hann daginn eftir. Furðulegt hvernig þessir hlutir virka.

Í kvöld verður pub quiz-ið massað! Pant fara heim með alla vinningspeningana!

Ykkar að eilífu,
Heiður

Rafmagnsleysi

2007-02-28T10:50:00.000Z

Allir starfsmenn og nemendurMethodolgy Institute (sem er "deilidin" mín í skólanum) hafa aðgang að húsnæði deildarinn allan sólarhring. Slá þarf inn kóða til að komast inn um aðaldyrnar og annan kóða til að komast inn á hæðina. Á hæðinni eru svo allar skrifstofur og herbergi læst og þarf kóða til að komast þar inn. Við nemendurnir höfum aðgang að lítilli kennslustofu með tölvum og aðstöðu til að læra og fengum við því að vita kóðann til að komast inn í téða stofu. Þetta getur verið mjög hentugt í ljósi staðsetningar skólans. Ég nýtti mér þetta til dæmis þegar Hildur, Óskar og Guðný voru í heimsókn. Kóðaði mig inn í bygginguna og geymdi ferðatöskuna hennar Guðnýjar þar inn á meðan við fórum út að borða og í leikhús í Covent Garden (sem er steinsnar frá skólanum mínum). Mér leið samt pínu eins og ég væri að gera eitthvað af mér þegar ég fór með allt liðið upp á 8. hæð í byggingu skólans á miðnætti á föstudegi. En svona virkar þetta, get farið þarna hvenær sem er sólarhringsins.

Ég er greinilega ekki sú eina sem hef nýtt mér þetta því bekkjabróðir minn sagði mér frá einu skipti sem hann "stalst" þarna inn seint um kvöld. Hann og nokkrir vinir hans fóru út á sunnudagskvöldi og þræddu pöbbana í Covent Garden þar til þeir voru allir orðnir mökkölvaðir. Öllum stöðum hefur væntanlega verið lokað klukkan 23:00 svo þeir skrönglast af stað í áttina heim. Þessi bekkjarbróðir minn fer með þá inn í húsnæði deildarinnar (veit ég ekki alveg af hverju...). Hann slær inn kóðann fyrir útidyrnar, þeir taka lyftuna upp, hann slær inn kóðann fyrir hæðina og svo fyrir stofuna okkar. Einn af drukknu vinum hans spyr hvort hann megi ekki reykja þarna inn. Það hélt bekkjarbróðir minn nú heldur betur, hann þyrfti bara að opna gluggann fyrst. Félaginn fer því að reykja við opinn gluggann. Skyndilega verður allt svart! Kolniða myrkur og ekkert rafmagn. Bekkjarbróðir minn tekur þetta líka hressilega hræðslukast og getur engan veginn hugsað skýrt (aðeins of margir bjórar). Hann verður skíthræddur og sannfærður um að þetta sé vegna þess að þeir voru að reykja inni. Þeir hlaupa fram án þess að sjá nokkurn skapaðan hlut og komast að því að lyftan virkar ekki. Þeir hlupu því niður þessar átta hæðir með litlu hjörtun sín í buxunum. Bekkjarbróðir minn var viss um að deildarforsetinn stæði niðri á jarðhæðinni og biði eftir honum enda er allt sem maður gerir í London fest á filmu, sama hvar maður er. Hann yrði rekinn úr skólanum!!! Þeir bjuggust því alveg við því að mæta reiðum kennurum, ef ekki lögreglunni þegar þeir voru búnir að þreifa sig niður allar hæðirnar.
Auðvitað var enginn niðri að bíða þeirra og þegar þeir komu út var kolniðamyrkur hvert sem þeir litu.

Morguninn eftir voru fréttir í öllum blöðum um að flætt hefði inn í rafstöð í nágrenni skólans og rafmagnið farið af á stóru svæði í miðborg London. Engin kennsla var í skólanum á mánudeginum og fleiri þúsundir komust ekki til vinnu þar sem lesatarnar voru í rugli og allir vinnustaðir lokaðir.

Og karlanginn hann Paul hélt allan tímann að hann hefði valdið þessu með því að reykja þar sem það er stranglega bannað, hahaha.

Annars fæ ég loksins að gera eitthvað annað um helgina en að læra og snýta mér. Við erum að fara til Bristol!!! Jeeeeij!

Snýt

2007-02-25T18:58:00.000Z

Jæja kæru læknisfræðinemar, hjúkrunarfræðingar, sjúkraþjálfanemar, lyfjafræðinemar, íþróttafræðingar og aðrir spekingar! Hvað er málið með það að vera komin með dúndrandi kvef í fjórða skiptið á fimm mánuðum!?!?! Er ekki alveg að sætta mig við það að geta ekki sofið og finna ekki bragð með svo skömmu millibili, mánuð eftir mánuð. Minn kæri Jóhann segir mig verða kvefaða af stressi en ég er svo saliróleg þessa dagana að það hálfa væri meira en nóg.

Til að kæta alla, konur og kalla, krakka með hár og kalla með skalla vil ég að þið farið inn á www.rush.is á hverjum morgni, tekur aðeins nokkrar sekúndur (virkar í Internet Explorer en ekki Firefox). Kveikið á hljóðinu. Dagurinn verður betri fyrir vikið. Ein klassísk af mér og Þorra í lokin (það er ekki verra að skoða myndina og fara svo á rush.is, þá eruði sko aldeilis tilbúin fyrir daginn!).

Mjólk er góð

2007-02-20T23:49:00.000Z

Af gefnu tilefni (símtölin hafa sjaldan verið fleiri, og það út af mjólk) vil ég láta vita að ég er ekki með mjólkuróþol. Mjólkin varð bara allt í einu mjög vond á bragðið. Lyktin varð skyndilega óbærileg og ég kúgaðist við tilhugsunina um mjólk eina saman. Nú verða gerðar tilraunir þar sem meðal annars verður hætt að kaupa lífræna mjólk fyrir heimilið til að kanna hvort hægt sé finna leið handa húsfreyjunni til að innbyrða þennan nauðsynlega hlut hafragrautsins.

Þar til næst, syngið og verið glöð!

Vælubína Vælsen

2007-02-18T12:37:00.000Z

Jeremías....
Vikan hefur verið erfið:

Ég týndi lestarkortinu mínu daginn eftir að ég keypti mánaðarkort á það (10.000 kall)
Ég hætti að geta drukkið mjólk. Hafragrauturinn er ekki sá sami án hennar!!!
Ég ákvað að skipta um efni í lokaritgerðina mína nokkrum dögum áður en ég átti að skila inn rannsóknartillögu. Verð að segja að ég hef fengið betri hugmyndir í gegnum tíðina.
Tölvan mín hrundi! Ég hef reynt að bægja þessu vandamáli frá mér á sama tíma og við Jóhann sláumst um fartölvuna hans.
Ég er tognuð í hálsinum

"En vandamálin eru til þess að takast á við þau" (Stella Löwe í kvikmyndinni Stella í Orlofi, 1986):

Ég fékk nýtt lestarkort og er að vinna í því að fá hluta af 10.000 kallinum endurgreiddan
Mjólkin er vandamál sem ég er enn að glíma við, lausn ekki í augsýn. Þangað til verður drukkið te og etin beygla.
Lokaverkefnið verður vonandi betra fyrir vikið þrátt fyrir að þessi ákvörðun hafi haft í för með sér smá aukavinnu.
Nonni nágranni á bilaða/ekki bilaða tölvu sem hann getur vonandi lánað mér. Svo er spurning um að fá mömmu og pabba til að koma með gömlu borðtölvuna okkar þegar þau koma í apríl.
Hálsinn hlýtur að lagast, kennir manni bara að vera ekki að standa á haus þegar maður er aumingi!

THE BIG ISSUE

2007-02-12T13:46:00.000Z

Hér í London er gefið út blað sem heitir The Big Issue. Blaðið var sett á fótinn árið 1991 með það markmið að gefa heimilislausum tækifæri á að afla sér tekna. Í blaðinu fá raddir þeirra heimilislausu að "heyrast" en að stórum huta er þetta dægurmenning, kvikmyndagagnrýni, viðtöl og þess háttar. Blöðin eru aðeins seld á götum úti af heimilislausum. Við höfum keypt þetta blað öðru hverju þar sem þetta er gáfulegasta leiðin til að hjálpa þeim heimilislausu. Það að gefa þeim betlandi pening er víst bara til að halda þeim í neyslu og á götunni. Í blaðinu eru, eins og gefur að skilja, auglýsingar sem ég hef alltaf flett í gegnum. Um daginn skoðaði ég þó auglýsingarnar og komst að þeirri niðurstöðu að þær væru svolítið annars eðlis en gengur og gerist í öðrum blöðum. (Dæmi úr blaðinu sem kom út 29.jan 2007, no 729):

WANTED
Aneyone who has
injected illegal drugs
but no longer does so.
For a confidential and
important health study.
15 minute interview.
Small fee paid to each
participant.
Ring Mimi
xxx xxxx xxxx

Vissulega er erfitt fyrir rannsakendur að komast í samband við þennan hóp fólks en það er alveg hrópandi þversögn í því að segja rannsóknina vera mikilvæga heilsu rannsókn og biðja fólk svo um að hringja í Mimi. Svo eru þarna auglýsingar sem eru ekki mjög traustvekjandi og líta svolítið út eins og smáauglýsingarnar í DV hérna forðum daga (útlistlega séð, ekki efnislega):

Heroin/Methadone Addiction
As seen on Channel 4.
5 days detox, strong pain relief,
12 weeks aftercare.
Call free xxxx xxxxxx

The violance initiative
Offers people who are
violent a chance to change.
Violent?
Tel: xxx xxx xxx

Nöldurseggir geta líka lífgað upp á daginn

2007-02-05T16:59:00.000Z

Fór í búðina á leið heim úr skólanum. Risastór matvöruverslun og óttalega mikið að gera. Þegar ég kem mér fyrir í röð til að borga á kassanum kemur lítill gamall maður með húfu, fer fram fyrir mig og leggur vörurnar sínar á afgreiðsluborðið. Hann tilkynnir mér að hann ætli sér nú ekkert að troðast, hann geti bara ekki haldið á vörunum lengur. Mér fannst það nú ekki mikið mál. Svo fer minn bara að spjalla.
Ég skildi nú ekkert allt sem hann segir kallinn, enda tannlaus og óskýr í framburði. Ég var þó fljót að átta mig á því að hann var ekkert bara að halda uppi einhverju kurteisis-spjalli heldur var hann að nöldra yfir öllu og öllum. Hann gat nú barasta sagt mér það að hann fór fyrst í röð á öðrum kassa og var sko búinn að bíða þar í tuttugu mínútur! Þetta afgreiðslufólk væri alveg úti að aka. Hann kom líka hingað einn daginn klukkan 12 á hádegi og hvað haldiði??? Engin mjólk! Hann fékk nú að eiga orð við verslunarstjórann og fékk bara þau svör að bílinn væri ekki kominn með mjólkina. Og klukkan orðin 12 á hádegi skal ég segja ykkur. Sá gamli sagði mér svo að við tvö ættum ekkert að vera að versla þarna, við ættum bara að fara í Tesco (önnur verslurkeðja). Á meðan ræðuhöldunum hans stóð gerði ég ekki mikið annað en að brosa og kinnka kolli. En sá gamli var óstöðvandi. Hann sýndi mér hreinsivökvann sem hann var að kaupa, hann væri nefnilega að fara að þrífa baðherbergið og téður vökvi er víst sérstaklega góður til þess brúks.
Þegar þarna er komið sögu segi ég honum að vera bara á undan mér í röðinni þar sem hann er bara með tvo hluti. Minn agalega sáttur við það og bendir mér í leiðinni á kassastarfsmanninn, hann sé nú barasta sofandi. Og svo þegar maður ætlar að borga með kortinu sínu þá er maður bara beðinn um pin-númer!!! Maður þarf bara að muna pin-númerið sitt. Vinurinn sagðist nú bara hafa sýnt afgreiðslumanninum peningaveskið sitt með öllum greiðslukortunum sínum þegar hann var fyrst beðinn um pin-númer og spurt hann hvort hann væri að saka sig um að vera ræningi! Fólkið í þessu landi ber ekki neina virðingu fyrir eldra fólki tilkynnti hann mér svo ákveðinn.
Nú fer ég að tína mínar vörur upp úr körfunni og upp á afgreiðsluborðið og nýji, tannlausi, pínulitli, elskulegi vinur minn fer vel í gegnum það sem ég er að versla. Þú ert aldeilis að versla mikið í dag vina mín, sagði hann mér. Hann var sérstaklega hrifinn af svömpunum sem ég var að kaupa og sagði mér að hann hefði nú verið að leita að svipuðum svömpum en að sjálfsögðu ekki fundið þá, það væri ekki hægt að finna nokkurn skapaðan hlut í þessari verslun.
Nú er röðin komin að honum og hann potar í öxlina á mér um leið og hann segir mér að fylgjast vel með lata afgreiðslumanninum. Hann biður svo afgreiðslumanninn um að setja vörurnar í poka fyrir sig og lítur á mig með "maður þarf að biðja um allt nú til dags, þetta er engin þjónusta" svipnum. Svo nöldrar hann hressilega í aumingja afgreiðslumanninum þegar hann er beðinn um að slá inn pin-númerið sitt.
Að lokum gefur sá gamli mér sitt breiðasta bros og réttir mér höndina. Þegar ég tek í hana og kveð hann pent, missir hann stafinn sinn. Í staðinn fyrir að þakka mér fyrir að rétta honum hann skammast hann í afgreiðslumanninum yfir því að gólfin séu allt of sleip, stafurinn renni bara á gólfinu.

Eins og ég hafði nú gaman af honum, fannst mér alveg hreint ágætt að sjá hann fara. Svo skrönglast ég út í strætóskýli með pokana mína. Hver haldiði þá ekki að standi þar??? Minn maður kættist alveg óendanlega við að sjá mig á ný og fannst að sama skapi alveg hreint magnað að við værum að bíða eftir sama vagninum. Hann fer inn í strætóinn á undan mér svo ég passa mig að fara ekki eins langt inn í vagninn. Nennti eiginlega ekki að hlusta á hann skammast yfir strætóþjónustunni líka.
Tveimur stoppustöðum síðar pikkar maður sem stendur við hliðna á mér í öxlina á mér og bendir út um gluggan sem ég sneri baki í. Sá gamli er þá kominn út á stétt og bankar í rúðuna. Brosir svo sínu tannlausa eyrnanna á milli og veifar eins og hann eigi lífið að leysa.

Ef allir væru svona glaðir við að hitta mig þá væri nú sjálfstraustið í lagi maður!

Fréttir af fólkinu

2007-02-04T12:09:00.000Z

Er ekki bara kominn tími á smá fréttir af fólkinu, hvað erum við eiginlega að gera þarna í London?

Vona bara að einhver lesi þetta, af kommentunum að dæma fer lesendum að minnsta kosti verulega fækkandi.

Annars höfum við Jóinn minn verið bölvaðir félagsskítar upp á síðkastið, þykjumst alltaf þurfa að læra svo mikið. Í gærkvöldi var þorrablót Félags Íslendinga í London. Það er langt síðan mér var tilkynnt að þetta væri viðburður sem ekki mætti missa af og að það seldist oft upp þar sem fólk flykkist frá Íslandi á þorrablótið í London. Þegar ég komst svo að því að það kostar litlar 6300 krónur á haus til að fá að slafra í sig súrmatinn og dilla sér undir tónum Skítamórals, þá fóru að renna á mig tvær grímu. Við fórum ekki.....
Hefði nú samt pottþétt verið gaman, hrissta soldið skankana með öllum fullu Íslendingunum.

Við keyptum okkur líkamsræktarkort um daginn (í staðinn fyrir þorrablótið....?) og í jákvæðni minni lít ég ekki á líkamsræktina sem kvöð heldur leið til að sleppa frá skólabókunum, leggjast í pottinn á eftir og hafa betri samvisku þegar ég borða einhvern viðbjóð. Já, þið lásuð rétt, þarna er heitur pottur. Agalega hugguleg líkamsræktarstöð með öllum nýjustu græjum (og verði í stíl við það). En það sem sannfærði mig um að þarna væri rétt að fjárfesta var "Spa-ið". Sundlaug og stór pottur með allskonar nuddstútum, legubekkjum, fossum og gusugangu. Þarna eru líka allar tegundir af gufuböðum og sánum. Svo er gott að fá sér blund á bekk á bakkanum þar sem þarna eru dempuð ljós og hitastigið einhvers staðar yfir 30 gráðunum. Þarna ætlum við sem sagt að hafa það náðugt (já og taka á því í ræktinni) í febrúar þar sem ekki eru til peninigar á heimilinu fyrir korti í mars. Þá verður vonandi bara komið vor sem rekur okkur út í blíðuna.

En það er sem sagt brjálað að gera í skólanum, ansi mikil breyting frá síðustu önn sem sigldi svona þægilega hjá. En fyrir þá sem þekkja orðaforðann þá er ég bæði að læra megindlegar og eigindlegar rannsóknaraðferðir. Ég var mjög spennt fyrir þeim eigindlegu þegar ég kom hingað þar sem ég hafði lítið sem ekkert lært í þeim áður. Nú er ég búin með 14 vikur í kennslu hérna og hér með ætla ég að viðurkenna það..... Eigindlegu námskeiðin hérna eru drepleiðinleg!!! Ég er búin að gefa þessu hellings séns en þetta er bara niðurstaðan mín! Með annað er ég samt ánægð.

Þessa dagana er ég að negla niður efni í mastersritgerðina mína. Stefnir allt í að ég taki fyrir viðhorf fólks til innflytjenda. Ber saman niðurstöður frá næstum öllum Evrópulöndunum og tek inn í þetta skiptingu innflytjenda í hverju landi fyrir sig (hve margir eru þeir, hvaðan koma þeir osfrv) og jafnvell umfjöllun í dagblöðunum um málefnið. Allt er þetta á frumstigi í pælingum en ég hef ekki mikinn tima þar sem ég á að skila rannsóknaráætlun 16. febrúar.

Að lokum mæli ég með disknum hans Jack Johnsons Better Together, myndinni Little Miss Sunshine, heitu baði og harðfisk (ekki saman samt).

Janúargestir

2007-01-31T10:43:00.001Z

Ég er djúpum skít varðandi allt sem heitir lærdómur og tímarnir í sólarhringnum duga tæplega, svo ég ákvað að blogga......

Smelli nú inn nokkrum vel völdum frá því Hildur, Óskar og Guðný voru hérna. Áttum með þeim frábæran tíma og gaman að eiga nokkrar myndir. Hildur var dugleg á videovélinni og á okkar heimili er beðið eftir frumsýningu stuttmyndarinnar.

Hér erum við eftir sýninguna á Lion King, allir agalega sáttir

Setið að snæðingi í Camden Town. Engin matareitrun þar á ferðinni...

Hildur og Guðný útbúa afmælismatinn. Til hamingju með afmælið stelpur!

Össs, að haga sér svona í annarra manna húsum!!!

Í London Eye, þar sem ENGIN var lofthrædd...

Það var gert svolítið mikið af því að borða þessa daga. Einn lítill Óskar var sísvangur og auðvitað varð að borða honum til samlætis í hvert skipti *rop*

Svo bara fóru þau.... dónarnir!

Kíkiði endilega á síðuna hennar Hildar þar sem vinningsmynd ferðarinnar er að finna. Sú neðsta í syrpunni hennar!

Myndir

2007-01-30T12:49:00.000Z

Var að setja myndir inn í albúmið sem finna má hér til hliðar eða með því að smella á hlekkina hér að neðan:

Setti inn myndir frá spilakvöldi hjá Ástu og Ámunda og áramótunum okkar uppi í sumarbústað.

Svo eru nokkrar myndir frá því vinkonurnar úr Hólminum hittust heima hjá Margréti.

Um daginn setti ég inn myndir frá því að Boggi kom í heimsókn.

Um daginn setti ég líka inn myndir frá því við hittum Huginn og Dagnýju (okkur Dagnýju tókst samt að komast hjá því að festast á filmu). Þar eru líka myndir úr jólaboði bekkjarins míns.

Um daginn setti ég LÍKA inn myndir frá desember í London og heimsókn okkar til Adda og Fjólu rétt eftir fæðingu dótturinnar.

Um daginn (andvarp) setti ég líka inn myndir frá jólunum okkar á Íslandi.

Jæja, þá er það afgreitt....farin að setja mat i minn maga!
Adíós!!!!!

Dagur rauða nefsins

2007-01-25T16:59:00.000Z

Það er víst soldið síðan dagur rauða nefsins var en betra er seint en aldrei. Kíkið á hlekkinn hér að neðan. Óþægileg áminning um heiminn sem við lifum í.

http://www.ekincaglar.com/coin/flash.html

Fengið að láni hjá Írisi.

Flödenomsarnir farnir heim...

2007-01-25T12:19:00.000Z

Seinasta helgi var alveg frábær, Hildur, Guðný og Óskar voru hér og sáu til þess að við gerðum bara skemmtilega hluti í 4/5 daga. Það var farið út að borða, það var farið í leikhús, það var drukkinn bjór, það var farið í Stóru Mæju, það var farið í London Eye, það var farið á pöbb, það var farið í leikjasal, það var farið á kaffihús, það var farið í pöbba Sunday Roast, það var farið í Camden Town, það var spilaður póker, það var borðaður góður matur og drukkið gott vín. ALGJÖR SNILLD!!!

Átökin gerðu þó það að verkum að ég varð lasin og er nú að fara að skunda í skólann með hor í nös eftir að hafa legið í bælinu í allan gærdag.

Á morgun (föstudag) koma svo Þór og Hulda, foreldrar Jóa, til okkar og verða fram á sunnudag. Það verður voðalega gott að sjá þau en frá okkur halda þau í Asíusiglingu. Þau vilja meina að báturinn sé stærri en Breiðafjarðaferjan Baldur, reyndu meira að segja að telja mér trú um að hann væri stærri en Herjólfur. Trúi því þegar ég sé myndirnar.

Stefni svo á að setja fleiri myndir í albúmið í næstu viku.

Hey, já.... það var snjór hérna í gær! Þetta gerist allt of skart, ég er orðin svo góðu vön úr 14 stiga hitanum sem hefur verið hér í janúar að ég fékk algjört kuldasjokk og hef verið með glamrandi tennur undir tveimur sængum síðan hitastigið féll. Það þarf að kenna þessum Bretum að byggja hús og kynda þau!

2007-01-19T02:32:00.000Z

Nú er klukkan 2:30 og við að bíða eftir Hildi og Óskari (engin Guðný fyrr en í fyrramálið þar sem hún fattaði á flugvellinum að passinn hennar væri í Óðinsvé....hahaha). Samkvæmt upplýsingum á veraldarvefnum lenti vélin klukkan 23:47 svo okkur finnst þau alveg mega fara að koma! Við erum farin að hafa töluverðar áhyggjur af því að leigubílstjórinn sem við fengum fyrir þau sé farin með þau beint á fyllerí og að það hafi gleymst að bjóða okkur með.

Annars setti ég inn nokkur myndaalbúm um daginn og gleymdi alveg að láta ykkur vita.
Hér með vitiði það.

Þarf að fara til dyra. Heyri einhverja blóta á dönsku úti á stétt í myrkrinu...

Það er SVO hlýtt í London!

2007-01-14T18:10:00.000Z

Átti að skila stóru verkefni á föstudaginn síðasta. Allt var á góðu róli hjá mér og ekkert stress og meira en hálftíma áður en ég þurfti að leggja af stað í lestina prentaði ég herlegheitin út. Það var næstum 50 blaðsíður í heildina svo ég taldi ráðlagt að prenta báðum megin á blaðsíðurnar. Djöfull var prentarinn lengi, gott að ég hafði nægan tíma... Það fór allt í steik og blaðsíðurnar lentu í rugli. Smá pirr en þetta var bara lagað og prentarinn settur af stað aftur. Hann var ekki fljótari í þetta skiptið og ég þurftu eiginlega að fara að koma mér af stað ef ég ætlaði ekki að vera of sein í tímann. Þetta gekk ekki betur en svo að aftan á blaðsíðu 3 var blaðsíða 9 og forsíðan endaði á blaðsíðu 5. Á þessari stundu heyrðist mikið af bölvi og ragni á heimilinu og prentarinn settur af stað í síðasta sinn, núna yrði sko ekkert prentað báðum megin á blaðsíðurnar. Ég var orðin of sein. Þegar þessari síður en svo sparnaðarsömu prentun var lokið hljóp ég mig sveitta á lestarstöðina þar sem ég þurfti svo að bíða töluvert lengur en venjulega eftir næstu lest.

Við Auður höfðum um svo margt að tala í lestinni á leiðinni að við fórum fram hjá stoppistöðinni okkar. Þetta var ekki til að bæta úr seinaganginum í manni.

Eftir tímann ætlaði ég (og restin af bekknum) að skila verkefninu en kom þá upp úr kafinu að við áttum að skila fyrir hádegi (klukkan var 15:30) og konan sem átti að taka á móti verkefnunum okkar (og gefa okkur kvittun fyrir) var löngu farin heim. Mér finnst nú að það hefði alveg mátt segja manni frá þessum "fyrirhádegiskilafresti" sko.

Verkefnið er sum sé enn í töskunni minni.....!!!

En áður en þið farið að setja fiðlutónlist á fóninn til að tóna við þetta endemis væl í mér þá ætla ég hér að sýna ykkur mynd af skautasvellinu sem ég fór á eftir þessa gleðiríku kennslustund á föstudaginn:

Gamli Sálaraðdáandinn brýst fram

2007-01-12T12:34:00.000Z

Hvur djö$&(#$)%....

Fann gamlan snilldardisk með Sálinni hans Jóns míns inni á gamla tölvujálkinum mínum. Dansaði mikið og söng svo hátt að ég stillti þvottavélina vitlaust og eyðilagði uppáhaldspeysuna mína og kjól/topp sem ég keypti daginn áður en ég kom út og var búin að fara í einu sinni.

Helvítis Sálin hans Jóns míns!

Kannski ég ætti að fara að minnka kaffidrykkjuna

2007-01-08T20:39:00.000Z

Kom til London í gærkvöldi og mætti í skólann í dag. Á leiðinni úr lestinni í skólann kom ég við á Pret til að fá mér kaffibolla:

Nice Lady: Hello darrrrling!! How are you to day love?
Heiður: Fine thank you, could I have...
Nice Lady: Where have you been, are you finally back to work?
Heiður: Yes, well back to school.
Nice Lady: And you have missed us and our coffee?
Heiður: Yes, for three weeks.
Nice Ladt: Three weeks!?!? O dear! (Kallar á samstarfskonu sína) Make the best cup of latte you can for our friend here! She haven´t had our coffee for three weeks! O dear.

Þegar ég gekk út með kaffibollann minn komst ég ekki hjá því að hugsa að ætti kannski að reyna að fækka ferðum mínum á þennan stað. En mikið skrambi var ég nú samt ánægð með móttökurnar!

Mig langaði eiginlega að vera lengur á Íslandi en núna finnst mér voðalega gott að vera komin aftur. Mikið er ég heppin að fá að "búa" í tveimur löndum, algjör forréttindi!

Þessi líka fína internet tenging tók á móti okkur við heimkomuna svo núna er hægt að fara að spjalla á MSN, Skype og setja inn myndir. En fyrst þarf ég að hella mér í verkefnið sem ég þarf að skila á föstudaginn.

P.S. Enn og aftur sá ég manneskju með ryksugu í túbunni. Ætli þær séu notaðar til að smygla dópi eða þýfi?

Komin á Klakann

2006-12-17T08:53:00.000Z

Elsku Addi og Fjóla voru að eignast litla stelpu í gærkvöldi og óska ég þeim skvilljón sinnum til hamingju. Nú er Litli Pjakkur orðinn stóri bróðir og væntanlega farinn að haga sér sem slíkur...! Ég get ekki beðið eftir að heimsækja þau (eins og reyndar svo marga aðra).

Einnig vil ég nýta tækifærið og óska Hobbu minni til hamingju með daginn en hún er....19 ára... í dag!

Við komum um 17 leytið í gær (laugardag) og beint í matarveislu hjá tengdó. Brunuðum svo í Kópavoginn þar sem elskuleg amma mín var komin frá Stykkishólmi. Á eftir förum við svo í aðventukaffi til Baldurs (bróður Jóa) og Heiðbjartar þar sem við hittum væntanlega alla tengdafjöslkylduna mína á einu bretti. Við getum reyndar ekki stoppað lengi, þar sem öll mín móðurfjölskylda kemur saman (liðið búið að bruna frá Stykkis) og heldur partý. Við erum sem sagt svo heppin að hitta allt liðið á fyrsta sólarhringnum eftir að við komum heim. Þrjár veislur þakka ykkur fyrir góðan daginn.

Ég á eftir að redda mér íslensku símanúmeri en Jói er sjaldan langt undan og hann er með gamla númerið sitt (8693465) svo má alltaf tékka hjá múttu og pápa (5646069).

Ef til vill eru einhver ykkar að vandræðast með jólakort til okkar en þeim má koma í Laugalind 4 (3.hæð), 201 Kópavogi.

Jedúdda mía, ætlar enginn að fara að vakna á þessu heimili og halda mér selskap svona í morgunsárið.... þegar ég horfi út um gluggan fer ég nú meira að segja að hugsa hvort enginn ætli að fara að vakna í þessu bæjarfélagi. Þó það sé myrkur þýðir ekki að það sé ennþá nótt!

Best að kíkja á leikjanet.is....

Enn af mat (og drykk)

2006-12-10T16:55:00.000Z

Jæja, fyrri hluti jólaboðamaraþonsins á enda. Jólaboðið í skólanum var hið skemmtilegasta. Ég held að "rétturinn" minn hafi verið sá eini sem kláraðist og ef til vill átti það þátt í því að hægt var að gera grín að mörgum (annars virðulegum) samnemendum mínum á föstudaginn.

Í gærkvöldi skelltu Þóra og Kolli sér á Borough market (matarmarkaður) og mættu með góssið heim til okkar þar sem þau elduðu dýrindismáltíð fyrir okkur Jóa, Auði Magndísi og Söru. Við fengum önd, villibráð sem smakkaðist frábærlega. Svo var setið og spjallað fram á nótt, nágrönnunum til ómældrar ánægju.

Nú eru það jólakortin sem kalla en í lokin vil ég koma með skemmtilega vísu sem ég stal úr kommenti frá Hildi minni:

Skín í væna vínflösku

og huggulega bjóra.
jólaglögg og eplasnafs ætla ég að þjóra.

Durla, daðra og leika mér.
Látum illa í desember.

Burt með sokka og skó.
her af víni er nóg.

Ó hvað ég elska jólin
von ég hitti á stólinn.

Mamma, ég er samt ekki alltaf að drekka, ég lofa!!! Alveg satt... þetta er bara fín vísa sko!

Jólaboð eftir jólaboð

2006-12-06T12:04:00.000Z

Er á leið í jólaboð. Ekki svona jólaboð í hefðbundnum íslenskum skilningi heldur í óhefðbundnum útlenskum skilningi. Boðið er í deildinni minni í skólanum mínum (Methodology Institute) og það voru vinsamlega tilmæli til okkar að koma með eitthvað ætilegt með okkur. Helst eitthvað þjóðlegt og gott. Vandamálið við það var auðvitað að um leið og íslenskur matur er orðinn þjóðlegur þá er hann ekki góður lengur. Mér var reyndar nokk sama um það, þetta lið fær örugglega nóg af góðum mat og ef ekki þá getur það bara étið heima hjá sér. Ég fékk ýmsar góðar hugmyndir. Hákarlinn var efstur á lista og þá helst með flösku af brennsa með. Einnig datt mér í hug að koma með súrsaða hrútspunga eða sviðakjamma. Össs, hvað maður hefði slegið í gegn hjá liðinu (NOT) . Hér er auðvitað ekkert hægt að nálgast slíkan óbjóð með löglegum aðferðum svo ég varð að sætta mig við að baka bara smákökur. Frekar lítið spennandi.
Þangað til ég sá auglýstan íslenskan vodka, REYKA, í dagblað hér í bæ. Ég notaði nútíma adferðir í rannsóknarvinnu minni og Googlaði vodkann góða og fann söluaðila í London. Hófst þá ferðalagið. Hentist um borgina þvera og endilanga í leit að hinum eina og sanna vodka. Fann að lokum búðina en vodkinn var auðvitað uppseldur (Íslands best í heimi!!). Eigandinn sendi mig í aðra verslun sem krafðist þess að ég hentist um borgina þvera og endilanga á ný. Rokið og rigningin eyðilögðu regnhlífina mína í þessum þveru og endilöngu hendingum mínum.
En vodkann fann ég. Verslunin var nánast veggfóðruð með auglýsingum íslenska vodkans og aldraðir karlkyns starfsmenn uppveðruðust allir við að heyra að ég væri frá sama landi og vodkinn góði og heimtuðu að fá að leysa mig út með gjöfum.
Eins gott að liðið geti komið þessu niður, ekki er ég að fara að drekka þetta.

Á föstudaginn fer ég svo í annað jólaboð. Það er enn minna íslenskt og hefðbundið þar sem boðið fer fram á japanska veitingastaðnum Wagamama´s (sem ég skil að sé margrómaður).

Þegar ég verð að jafna mig eftir japösnku kræsingarnar er vika í heimferð og hana á að nýta vel í að undirbúa viðtöl og verkefni sem þarf að klára í jólafríinu. Kannski maður stelist til að versla jólagjafir og fara í bæinn og skoða ljósin. Það er ekki alveg nógu mikil jólastemmning hér í indverska hverfinu okkar (kemur kannski ekki á óvart) en það var bætt fyrir það um daginn þegar ég fékk að hlusta á íslenska popp-jólalög uppi á hótelherbergi hjá Hugin og Dagnýju. Þau voru hér í nokkra daga og við fórum út að borða með þeim á tyrkneskum veitingastað. Hmmmm, þessi bloggfærsla er farin að snúast ansi mikið um mat.... já og brennivín.

Að lokum við ég benda á algjöra snilldarsíðu sem lét sjónvarpslausa sjónvarpssjúklinginn mig sjá ljós í myrkrinu: http://peekvid.com/, en hér er hægt að sjá sjónvarpsþætti og bíómyndir án þess að borga pening og án þess að downloada.

Sælt veri fólkið, hvar hafiði verið?

2006-11-30T21:22:00.000Z

Ég vil byrja á að þakka Borgari Má Gunnlaugssyni fyrir skemmtilega viku en honum tókst ágætlega að spilla mér frá lærdómi, fita mig um nokkur kíló og gefa helst til gráum hversdagsleika námsmannsins svona hressilegan lit. Nú á ég líka flottustu þrívíddargleraugun í bænum! Boggi upp á sitt besta:

Við brölluðum ýmislegt á meðan hann var í bænum. Áttum frábæran dag í Camden Town þar sem Bogga var boðið dóp 37 sinnum ef ég taldi það rétt. Fengum svo Auði og Nonna í heimsókn og sátum að sumbli til 6 um morguninn (fjúkket að fólkið á neðri hæðinni var ekki í bænum). Jói og Boggi fóru svo á National History Museum og á Tool tónleika á meðan húsfreyjan var stillt heima að læra.

Nú er endasprettur annarinnar hafinn, bara rétt um vika eftir. Það er svo sem ekkert stress en ég hef verið vöruð við að næsta önn sé algjör geðveiki miðað við þessa. Ég hef því hugsað mér að njóta þess meðan ég get í stað þess að vera fyrirhyggjusöm og undirbúa mig af einhverju viti fyrir næstu önn. Mér gengur líka vel að láta suma hluti bíðar þar til í jólafríinu. Já, já ég veit.... svaka gáfulegt (enga fyrirlestra í kommentakerfinu þakka ykkur fyrir).

Ég fór aftur í "gömlumyndamöppuna" og fann eina fína. Ég set hana hér inn til afsanna þær kennningar fólks um að ég hafi erft eitthvað frá foreldrum mínum. Ég tel myndina sýna það og sanna að ég hef blessunarlega sloppið frá því að tileinka mér furðulegt hátterni foreldra minna:

Á morgun verður aftur fjör í kotinu þar sem spilað verður Pictionary og póker fram á rauða nótt en samt þannig að maður hafi kraft í 1.des hátíð Íslendingafélagsins. Við höfum aldrei gert neitt á vegum þess félags (var meira að segja búin að gleyma að það væri til) og ég hef ekki hugmynd um hvort þetta verði svaka formlegt og dannað hanastél eða bara subbulegt Íslendingafyllerí. Áhugavert...

Annars er ég loksins búin að bæta við nokrum myndum í myndaalbúmið.

Lyf gegn "uppstökkvar" áhrifum of mikils lesturs

2006-11-18T16:38:00.000Z

Hahaha, hvílík gleði þegar ég fann þessa mynd! Hún er komin upp á ísskáp hjá okkur sem gerir það að verkum að morgunmygla heimilismanna hverfur eins og dögg fyrir sólu á köldum nóvembermorgnum. Ekki samt segja mömmu og pabba frá því, veit ekki alveg hve ánægð þau yrðu við að heyra það.

Það var lítil hjálp í ykkur lesendur góðir við að finna viðtalsefni, ég vil þó þakka Hildi og Berglindi fyrir einstaklega góðan móralskan stuðning og hvatningarorð.

Það er greinilega öllum sama um Árna Johnsen..... kemur kannski ekki á óvart.

Mér finnst ég sjá of marga ferðast í túbunni (neðanjarðarlestinni) með ryksugu!

Hugmyndabanki!

2006-11-14T11:27:00.000Z

Ég hef enn ekki komist yfir hugmyndina um refi í hverfinu, hef nú reyndar ekki rekist á neinn síðan ég sá þennan eina hérna í den. Skrapp út í sjoppu eitt kvöldið í vikunni og ákvað að grípa myndavélina með ef svo ólíklega vildi til að ég rækist á einn rebbaling á leiðinni. Og viti menn!!! Er hann ekki bara flottur? Þó hann sé í furðulegri stellingu (soldið eins og kengúra) með græn augu?

Annars er ég að fara í smá ferðalag á morgun, ætla að skella mér á Heathrow að hitta Steinu sem er að koma frá Kenýa. Það er næstum ár síðan ég hitti hana síðast og það var bara í klukkutíma á kaffihúsi svo ég er mjög spennt að sjá kelluna. Að ég tali ekki um að heyra Kenýa sögurnar hennar. Síðast heyrði ég Indlands sögurnar. Þetta er soddan flökkukind, ekki þekkt fyrir að fara auðveldustu leiðina.

Þessa dagana er ég fríka út yfir viðtölum sem ég þarf að fara að taka. Í fyrsta lagi hef ég aldrei tekið eigindlegt viðtal á ævinni og í öðru lagi þá finnst mér hugmyndin um að gera það á ensku ekkert sú besta í heimi. Ég þarf því að vanda mig við að finna efni sem ekki er of viðkvæmt, efni sem viðmælendur hafa nóg um að segja og það þarf að vera tiltölulega auðvelt að setja sig í samband við fólkið sem ég tek viðtöl við. Ég er að telja þetta allt upp svo þið getið gefið mér hugmyndir um efni kæru vinir!
Mig langaði til dæmis að tala við innflytjenda konur um hvernig þeim hefði gengið að komast inn á breskan vinnumarkað. En fór þá að hugsa að það er kannski ekkert sniðugt að byrja á að tala við fólk sem getur átt erfitt með að segja það sem það vill á ensku. Held ég ætti að finna mér eitthvað mikið minna verkefni, eitthvað almennara. Plís, fólk!!!! Hjálpið mér!!!! Má vera mjög venjulegt, ekkert flókið.

Hvað er svo málið með Árna Johnsen?

Að verða undir lest...

2006-11-11T17:00:00.000Z

Fórum og fengum okkur drykk eftir langan skóladag í gær. Fórum svo sex Íslendingar að borða á thailenskum stað. Brokkolí er ekkert svo slæmt þegar búið er að djúpsteikja það.
Þegar við mættum á lestastöðina var þar tilkynning:

Due to a person under a train there are minor delais on the Northern Line

(á okkar ylhýra væri þetta eitthvað á þessa leið: Þar sem manneskja varð undir lest eru minniháttar tafir á Norðurlestinni)

Hmmmm.... finnst fólki þetta bara allt í lagi? Bara svo lengi sem þetta eru ekki meiriháttar tafir?

Framhald

2006-11-10T14:00:00.000Z

Sma i framhaldi af sidustu faerslu, lesid thetta.

Hvad merkir samt "Markmið verkefnisins verði að koma íslenskukennslu fyrir útlendinga í það horf sem vel verði við unað"?

Eru 100 milljonir litill eda mikill peningur?

Jaeja....godir hlutir gerast haegt. Eda kannski hratt...

2006-11-09T12:21:00.000Z

Er a hlaupum (vantar hradamyndunarsko eins og Jon Vidir kalladi thad einhvern tima), vildi bara benda ykkur a thetta!

Thad er ad koma helgi!

Brjalad ad gera madur!

2006-11-06T14:27:00.000Z

Nei.... erum ekki komin med netid heim, vil ekki raeda thad neitt frekar. En eg thakka fyrir kommentin a sidustu faerslu, thid erud best!

Kynningin gekk agaetlega, held eg. Hun var natturulega hundleidinleg en eg vissi thad nu alveg fyrir. Var adalega hraedd um kludra framburdi nokkurra orda. Epistemological er eitt theirra, ethnomethodolgy annad. En thad kom ser greinilega vel ad aefa sig fyrir framan spegilinn kvoldid adur.

Helgin var vidburdarrik....

For med hluta af bekknum a pobbinn eftir skola a fostudaginn, flestir foru heim eftir einn eda tvo en duglegasta folkid entist lengur. Endudum nokkrar stelpur a indverskum veitingastad i Covent Garden seint um kvoldid. Thad vildi thannig til ad thetta voru allt stelpur sem eg hafdi ekki hitt mikid adur, alltaf gaman ad eignast nyja vini. Joi greyid var heima a medan ad bida eftir simtali fra BT ut af blessudu internet tengingunni, haha!

A laugardaginn forum vid i afmaeli hja Evu Heidu sem eg vann med a Felagsvisindastofnun. Thar voru nokkrir Islendingar og a leidinni heim attudum vid okkur a thvi ad vid hofdum bara talad vid Islendinga, sorglegu vid!

A sunnudagsmorgninum akvad eg ad vid vaerum allt of mikid heima ad laera og ad thad vaeri kominn timi a sma turistadag. Byrjudum a ad fara a Petticoat Lane og a markadina thar i kring. Thar var hin skemmtilegast stemmning thar sem solumennirnir hropudu hver i kapp vid annan "cheap, cheap, cheapest in the market". Algjor "special price for you my friend" stemmning.

Forum svo a alveg hreint magnada ljosmyndasyningu thar sem okkur tokst ad vera i marga klukkutima. Akvadum svo ad enda daginn a Leicester Square og athuga hvort vid gaetum fengid mida a halfvirdi a The Blue Man Group. Thad gekk svona vel, fengum mida klukkan 18 a syningu klukkan 20. Thegar vid hofdum fundid leikhusid hofst orvaentingarfull leit af stad thar sem vid gaetum fengid godan mat an thess ad verda of sein a syninguna. Komumst svo ad thvi rett fyrir 8 ad gaurinn sem seldi okkur midana sagdi ad syningin vaeri sama kvold en seldi okkur svo mida fyrir manudagssyninguna!!! Hahaha, jaeja vid hofdum tha eitthvad til ad hlakka til og forum i lestina heim. Komumst tho ekki langt vegna bilunar og var hent ut longu adur en vid vorum komin. Thad sama atti vid milljon manns svo thad var ekki moguleiki ad komast inn i straeto sem tok eitthvad faerri en milljon. Vid vorum thvi ansi lengi ad komast heim eftir annars snilldardag. Nuna er eg samt med nagandi samviskubit yfir ad hafa ekkert laert i gaer!!!

En thad er Blue Man Group i kvold.... aumingja Joi faer sko ad heyra thad ef thad verdur ekki gaman, muahaha.

Hildur: Snillingar ad vera buin ad negla ferdina, get ekki bedid eftir ad sja ykkur!

Steina: Er ekki lengur med islenska numerid, numerid mitt er +44(0)7855791912.

Thad er litid mal ad finna ykkur thar sem thid komid ut vid terminal 1. Eg verd bara thar um 4:30 (ef thid lendid kl. 4). Thu laetur mig bara vita ef timinn breytist eitthvad. Ert thu med danska numerid thitt? Eg er med Kenyska numerid thitt en thad verud vaentanlega ekki virkt thegar thu kemur?

Best i heimi!

2006-11-02T10:39:00.000Z

Eg vona ad thid hafid verid farin ad sakna min!!! Bloggsins mins!!!

Svona er thetta thegar madur kemst a netid a hlaupum og svona er thetta thegar blogger vill ekki leyfa manni ad blogga. Var buin ad utbua voda fint "Til hamingju med afmaelid mamma blogg" med mynd og ollu. Mer finnst lummo (vist er lummo ord) ad setja thad inn nuna thvi mamma a ekki afmaeli lengur.

Sit a bokasafninu (sem, by the way, er staersta felagsvisindabokasafn i heimi) og thykist vera ad laera. Er med kynningu i skolanum a morgun sem vaeri ekkert mal ef eg thyrfti ekki ad hafa hana a ensku. Skil ekki hvers vegna islenskan hefur ekki nad frekari utbreidslu, thad gaeti audveldad ymislegt.

Akkurat nuna er Joi a posthusinu ad saekja nyju internetgraejurnar okkar (hinar voru biladar) svo eg gef thvi 25% likur ad vid verdum komin med netid heim a morgun. Eg hlakka til, tha get eg netast og MSN-ast og Skype-ast og vafrad um thann yndislega heim sem netheimurinn ju er.

Vonum ad naest verdi lyklabordid islenskt.....aaaah!

Etum og verm gladr

2006-10-24T09:56:00.000Z

Thad er allt ad verda vitlaust, verid ad skjota upp ragettum oll kvold, haegri vinstri. Madur er svo ignorant ad madur veit ekkert hvad er ad gerast. Thangad til i gaerkvoldi thegar eg helt ad allt aetladi um koll ad keyra (kannski svolitid ordum aukid) ad eg fattadi ad Ramadan er ad enda. Hlaut ad vera....

Hvers vegna bloggar kellan aldrei?

2006-10-21T15:30:00.000Z

Ég hata að hafa ekki internetið heima hjá mér! Við þurfum víst að hafa breskan bankareikning til að geta fengið nettengingu heim. Það er sko ekkert grín að opna bankareikning hérna get ég sagt ykkur.

Lífið er bara ljúft, veðrið er ljúft og fólkið er ljúft. Meira að segja róninn sem er alltaf hjá lestarstöðinni okkar virkar stundum ljúfur. Svo eru líka margt gott við London:

Mjólkin er seld í plastbrúsum með skrúfanlegum tappa. Ekkert mál að opna, ekkert mál að loka, ekkert mál að geyma. Á mjólkurbrúsum eru svo alltaf leiðbeiningar um hvernig best sé að frysta mjólkina. Á maður að frysta mjólkina?
Hér í London flokkar maður ruslið, sem er gott. Allir eru með mislita kassa fyrir utan húsin sín, hver undir sína tegund af sorpi. Það á að flokka ruslið, það er gott!
Kornflexið festist einhverra hluta vegna minna í tönnunum í London en í Reykjavík. Skil ekki alveg hvers vegna en fyrir mig eru það góðar fréttir.
Take away matur kemur alltaf í fáránlega stórum skömmtum. Sem er gott því þá áttu til kvöldmat í þrjá daga á eftir.

Erum að fara í mat til Auðar Magndísar og Nonna á eftir. Það verður sko gaman, ætlum að taka bjór í nesti. Ekki má mann verða þyrstur!

Erum loksins búin að hitta fólkið á neðri hæðinni. Þau eiga sko heimabíó og kunna EKKI að lækka. Þau horfa aldrei á fréttir eða grín, bara myndir um heimsenda, náttúruhamfarir og styrjaldir. Svona af hávaðanum að dæma. En annars virkaði þetta hið besta fólk. Voru að skipta um allar hurðir og glugga og sögðu okkur að ástæðan væri sú að það hefði verið brotist inn hjá þeim (viku áður en við fluttum inn). Ekki góðar fréttir fyrir ræningja-/líkamsárásar-/
innbrotsþjófa-/nauðgarahræddu okkur. Innbrotsþjófurinn var víst einhver gæi sem býr í götunni okkar, búinn að vera í fangelsi og braust inn (í sinni eigin götu....fool) um leið og hann slapp út. Nágrannarnir okkar hugguðu okkur við það að hann væri kominn aftur í fangelsi. Anyway..... núna virkar útihurðin okkar ÓGEÐSLEGA ljót við hliðina á þeirra nýju og flottu.

Hvað er svo notalegra en að koma út á morgnana og íkorni tekur á móti manni, svona líka hoppandi glaður. Reyndar taka líka refir á móti okkur þegar við förum út á kvöldin. Mér finnst það spennandi, refir eru spennandi!

Nýjar myndir

2006-10-09T13:04:00.000Z

Henti inn nokkrum myndum í myndaalbúmið. Erum alltof löt við að taka myndir.... En allavega.

Annars lítið að frétta, reyna að læra og er að komast að því að ekkert hefur breyst, ég á alveg jafn erfitt með að einbeita mér og síðast þegar ég var í námi.

Seinna!

Home Sweet home

2006-10-07T16:40:00.000Z

Það var að sjálfsögðu rétt sem mér var bent á varðandi internetið. Bara prófa að ná þráðlausu neti hjá nágrönnunum. Stupid neighbours, múhaha.

Við fórum í alveg hreint frábæra Ikea ferð í fyrradag (vá, hvað ég elska Ikea). Vorum grínlaust marga klukkutíma (soldið lengi á leiðinni sko....). Við vorum það lengi í Ikea að Jói var kvefaður þegar við lögðum af stað og hundveikur þegar við komum heim. Ég vissi að honum þætti ekki gaman í Ikea, en kommon skommon, óþarfi að leggjast í bælið! Húsgögnin fengum við svo send heim morgunin eftir og þá var sko kátt í höllinni. Komumst að því þegar við vorum búin að setja bókahillurnar saman að gólfin hérna eru svo "bylgjótt" að hillurnar tollar hvergi uppi. Þær halla fram, sama hvaða vegg við stillum þeim upp við. Ég þori ekki fyrir mitt litla líf að setja bækur í þær þar sem hillan steypist þá fram fyrir sig. Hmmmm, gagnlegar bókahillur. Fengum samt leyfi til að festa þær við vegginn (eitthvað verður það nú skrautlegt) og auglýsum hér með eftir borvél, svona til ykkar sem verðið á ferðinni í London á næstunni.

Annars er íbúðin fín, verð ánægðari og ánægðari með hana. Hún er stór og temmilega snyrtileg svo við getum alls ekki kvartað. Það væri samt gaman að fá íslenskan smið í heimsókn, sá yrði miður sín. Ég er ekki alveg að sjá fyrir mér íbúð á Íslandi þar sem búið er að teppaleggja yfir lausar gólffjalir, gólfið allt á fleygiferð, ofnarnir halla út á hlið (eða er það bara gólfið sem hallar?) osfrv.

Við Jói vorum að koma heim úr Sainsburys sem er risastór "Hagkaup" hér í grenndinni. Það er nú smá spotti að labba en til allrar hamingju keyptum við okkur svona "gömlukonuinnkaupkerruáhjólum" til að setja dótið í. Reddaði okkur alveg, hehe.

Fór í nokkra fyrirlestra í vikunni, einn þeirra var skelfilegur (enda er ég búin að ákveða að taka námskeiðið ekki), annar var frábær og sá þriðji var ágætur. Svo nú þarf maður bara að koma sér í lesigírinn, það er eitthvað erfitt að skipta í hann þegar maður er svona mikið að koma sér fyrir, skoða hverfið, drekka bjór og svona.

Robbi Ká og fleiri mætir menn eru í bænum og erum við á leið með þeim út að borða og í framhaldinu verður kannski kíkt í bjór, bara svona kannski.

Adíós!

Netleysi

2006-10-04T10:30:00.000Z

Jæja, eins og fram hefur komið erum við að flytja. Það verður væntanlega einhver bið á að við náum að nettengjast í nýju íbúðinni en ég bendi fólki á leikjanet.is þangað til.

Var að setja inn nýtt kommentakerfi svo nú þarf ekkert að vera að skrá sig inn til að kommenta. Grunar að það sé þægilegra fyrir lesendur og þá sérstaklega kommentara.

Dem, með þessum kúnstum mínum hurfu öll kommentin sem voru komin. O-well.

Hæð í húsi

2006-10-03T18:03:00.000Z

Loksins, loksins!!
Fáum íbúðina á morgun. Lyklarnir verða afhentir klukkan 15 og þá verðum við sko tilbúin með allt okkar hafurtask og flytjum inn med det samme!

Ikea er víst opið til miðnættis, ég ætti því að geta dundað mér þar eitthvað fram eftir. Ætli það séu seldar sænskar kjötbollur hér?

Jói er farinn að drekka bjórinn úr ísskápnum svo við þurfum ekki að flytja hann. Hann er svo hagsýnn þessi elska!

Súkkulaði shake

2006-10-02T10:35:00.000Z

Fór á standup á laugardaginn með Jóa mínum og Simma mínum. Skildi sumt, annað ekki, skildi suma brandara, aðra ekki. En ég fékk besta matinn sem ég hef fengið síðan við komum hingað og ekki var félagsskapurinn af verri endanum!
Einn af þeim sem var með uppistand stamaði. Hann er mikil hetja í mínum augum í dag. Hann gat þó gert hellings grín að eigin stami, svona á milli þess sem hann gerði grín að skallanum sínum. Svo sat hann við hliðina á mér á barnum á eftir og þá sá ég hann var með bók um hvernig öðlast ætti mikið sjálfstraust á stuttum tíma. Verð greinilega að fá mér þessa bók, virðist þrælvirka!

Annars fáum við íbúðina okkar á miðvikudaginn, ég get ekki beðið. Það verður voðalega gott að eignast heimili, ég er búin með heimavistarkvótann. Fór einmitt í gær að þvo þvott. Það er óravegur niður í þvottahús og tekur hátt í 10 mínútur að þræða alla gangana þangað (þegar maður villist ekki). Hér búa um 850 manns og í þvottaherberginu eru 8 þvottavélar og 10 þurrkarar. Í gær voru 2 þvottavélar bilaðar og 5 þurrkarar. FRÁBÆRT. Í heildina tók þetta 3 klst, ég þurfti að vakta vélarnar sem ég notaði og slást með kjafti og klóm við alla aðra sem reyndu að skola skítinn úr spjörunu sínum. Hvað er svo málið með að hafa tvær ryksugur fyrir allt þetta lið!??!?!

Best að fá sér bjór

2006-09-30T17:24:00.000Z

Í nokkra daga hafði ég beðið eftir deginum sem í dag var dagurinn í gær. Heimsótti allt elskulega fólkið sem vinnur í H&M og hafði ánægju af...! Svo var kynning í skólanum mínum á prógraminu sem ég er að fara í. Þetta var nú ekki alveg eins fancy og ég hafði reiknað með, pínulítil stofa á 8.hæð í gömlu húsi og þar voru tæplega 20 aðrir (hélt við værum fleiri). Þegar ég sé hvað við erum fá verð ég agalega ánægð með að hafa komist þarna inn. Eftir kynninguna fengum við okkur vínglas og spjölluðum. Bretarnir grúppuðu sig svolítið saman (þeir um það...) en við hin reyndum að kynnast á kurteislegu nótunum. Þarna voru eins og við var að búast allra þjóða kvikindi og spjallaði ég m.a. við fólk frá Grikklandi, Indlandi, Kína, Japan og Kóreu. Þetta verður algjör snilld!!! Nema hvað ég skildi sjaldnast hvað indverska stelpan sagði og ég man hvað fæstir heita.

Eftir kynningun fórum við Jói svo út með Auði og Simma. Kíktum í bjór og fórum svo út að borða, kíktum svo í meiri bjór og við Jói erum þessa stundina að bíða að Simmi kíki til okkar í bjór.

Í dag fórum við á algjöran snilldarmarkað sem heitir Borough Market og er við London Bridge. Hann reyndist risastór og þar er aðallega seldur matur. Svona matur sem maður fær ekkert víða. Fullt af fersku kjöti, grænmeti og ávöxtum og svo vorum svona öðruvísi básar sem seldu t.d. lífrænt te, marmelaði, ólívur og osta. Það besta voru samt allir köku- og súkkulaðibásarnir, ég var alveg að tryllast. Úff, hvað þa er auðvelt að missa stjórn á sér hérna, freistingar á hverju horni.

Framundan er sem sagt súkkulaðikaka, bjór og skólabók (þangað til Simmi lætur sjá sig, þá verður það mest megnis bjór held ég).

Nokkrar myndir á myndasíðuna

2006-09-27T17:55:00.000Z

Búin að smella inn nokkrum myndum á myndasíðuna. Tékk da át!

Annars var hápunktur dagsins London Aquarium en þangað fórum við Jói með henni Auði Magndísi sem er að fara í sama skóla og ég. London Aquarium var algjör snilld og ég er bara fegin að hafa ekki beðið eftir að fá einhverja með barn/börn í heimsókn til að hafa afsökun til að fara þangað.

Núna erum við svo á leið í bíó. Jói kvíður því svolítið þar sem hann getur ekki notið bíómyndar án kokks og póps...popps og kóks og er hræddur um að bresku bíóin mæti ekki gæðakröfum hans í þeim efnum. Kemur í ljós.

P.S. Til hamingju með afmælið elsku Ásdís mín!!!

Lærir að setja inn myndir

2006-09-26T18:32:00.000Z

Voðalega getur maður dundað sér við að læra á þetta nýja blogg. Nú kann ég sem sagt að setja inn mynd. Sem er í raun sáraeinfalt. Þegar ég notaði hina notendavænuleið bloggers þá var þetta ekkert mál. Byrjunin var hins vegar að fara hina þyrnum stráðu leið Jóhanns Þórssonar BS í tölvunarfræði og var það nú tæplega fólki bjóðandi. Nú ætla ég sem sagt að sýna honum þessu nýju leið mína og hía á hann! BA kemur manni bara ansi langt kæru BS-ingar, múahahaha!

Myndina tók ég samt um daginn þegar við Jói fórum í smá túrhestaleik og komum meðal annars að luktum dyrum Westminster Abbey. Við erum svo skipulögð. Það var samt allt í lagi, ég fékk ís í staðinn.

Heiður byrjar að blogga

2006-09-26T17:56:00.000Z

Jæja, nú ætla ég að byrja að blogga. Æ, hvað ég vona að ég haldi það eitthvað út. Meira vona ég þó að einhverjir komi hingað inn og lesi það.

Annars erum við Jói komin með ný símanúmer, mitt númer er +447855791912 og Jóa númer er eins nema hvað það endar á 2021. Við fáum svo íbúðina 4. októtber (það eru myndir af henni í myndaalbúminu hér til hliðar, og já... ég fer að setja fleiri myndir þangað inn).

Í gærkvöld fórum við Jói að hitta Neil Gaiman (strákar þið þekkið hann, stelpur, hann er einn af uppáhalds rithöfundunum hans Jóa). Hann las upp úr nýútkominni bók sinni, svaraði spurningum og áritaði bækur. Jói var búin að segja mér að þetta væri klukkan 18 og að best væri að mæta hálftíma fyrr þar sem 700 manns væru að fara að mæta (allt nördalegir Nexus strákar hugsaði ég með mér). Þegar við mættum voru fjórir aðrir komnir (soldið spes miðað við 700 manna samkundu). Þessir fjórir voru ekki nördalegir strákar heldur frekar subbulegar stelpur sem allar litu út eins og Kathy Bates í Misery. Þær hlutu að vera að fara að gera eitthvað annað þarna. Þegar klukkan er alveg að detta í 18 komumst við að sjálfsögðu að því að kynningin er klukkan 19!!! Nú fór fólkið þó að streyma að. 90% stelpur sem litu út eins og áðurnefnd Kathy Bates, 5% stelpur sem litu út eins og Kathy Bates með bleikt hár og 5% strákar, mis furðulega útlítandi. Þetta var eitt af þeim skiptum sem svo mikið var af furðulegu fólki að okkur "venjulega" fólkinu fór að líða furðulega. Svona eins og á CocoRosie tónleikunum þar sem voru einungis "týpur" mættar sem gerði það að verkum að enginn var spes nema við sem vorum í gallabuxum, svörtujm jökkum og hárið í tagli (nema náttúruega Jói, hann var ekkert með hárið í tagli).
En annars var Neil Gaiman bara skemmtilegur og aldrei að vita nema ég lesi nokkrar smásögur eftir hann. Þó ekki Sandman, not so much my cup of tea.

Bjóðið hana velkomna!

2006-09-24T22:44:00.000Z

Þetta er fyrsta postið mitt.

Best að fikta svolítið í þessu, setja inn linka á liðið o.fl.....